Macdonald Holyrood

Macdonald Holyrood er mjög gott 4ra stjörnu hótel á rólegum stað, steinsnar frá iðandi mannlífi borgarinnar. Hótelið er með innisundlaug, heilsulind og tækjasal.

Á hótelinu er gestamóttaka, Piano bar og veitingastaðurinn „Steak and Grill Restaurant “, flottur staður með úrvals steikum og góðum vínlista. Á matseðlinum eru líka lífrænir réttir. Stutt er að ganga í leikhús frá hótelinu og vinsælt að snæða þar kvöldverð fyrir leiksýningar. Á hótelinu er heilsulind með innisundlaug, tækjasal og sauna. Aðgangur að interneti er gegn gjaldi.

Verslanir, barir, veitingahús og stór verslunarhús eru í göngufæri, eins og Skoska Þinghúsið og hið stórskemmtilega safn „Dynamic Earth“. Um 10 mín gangur er í Princes stræti og örstutt að Royal Mile götunni sem liggur upp í Edinborgar kastala.

Á hótel Macdonald Holyrood eru 156 herbergi, fallega innréttuð og rúmgóð, með síma, sjónvarpi með kvikmyndarásum, buxnapressu og hárþurrku.

(+)til baka