Istanbúl

ISTANBÚL
4. - 9. nóvember 2010

Fararastjóri: Þóra Valsteinsdóttir

Istanbúl, töfraheimur menningar og sögu.  Borgin er að mörgu leyti eins og svart og hvítt, þar sem gamli hlutinn með moskur og hallir kallast á við nýja hlutann með sínum nýju og glæsilegu byggingum,  verslunum og vetingahúsum.  Istanbúl tilheyrir tveimur heimsálfum, Evrópu og Asíu og sundið Bosporus skilur borgarhlutana.  Istanbúl er því  undir áhrifum beggja menningarheima sem setur skemmtilegan blæ á andrúmsloftið.  Meistaraverkin Ægissif, Topkapi kastalinn Bláa Moskan og hinn ævintýralegi markaður, Grand Bazar gera ferð til Istanbúl ógleymanlega.


Nýja-Borgin, Taksim  - „Beyoglu“
Lifandi púls borgarinnar slær hvað sterkast í Beyoglu. Skrautleg kaffihús, listasöfn af ýmsum toga, veitingastaðir af öllum gerðum, fornar byggingar og ódýrar verslanir koma saman í þessu einstaka og skemmtilega hverfi. Taksim torgið er nauðsynlegur viðkomustaður og  þar gnæfir minnisvarði alþýðunnar yfir iðandi mannlífið.  Menningarsaga Tyrklands er augljós á hverju götuhorni nálægt torginu sem er eitt helsta kennileiti borgarinnar. Þá er hverfið eitt helsta skemmtistaðasvæði borgarinnar, hvort sem áhugi er fyrir lifandi djassklúbbum eða harðhausa rokktónlistar, þá er þetta hverfið til að heimækja.

Gamli borgarhlutinn  - „Sultanahmet“
Rík menningarsaga Istanbúl er einna best sýnileg á þessum stað þar sem fjöldi ótrúlega merkilegra staða kemur saman. Sultanahmet er svæði þar sem kappleikir fóru fram í Konstantínópel, áður en borgin hét Istanbúl. Enn má sjá leifar þess á svæðinu. Divan Yolu er svo gata þar sem hundruð smágatna renna saman með ævafornum byggingum og skemmtilegum búðum auk þess sem Topkapi kastalinn,  Ægissif (Ayasofya“) og Bláa Moskan eru á næstu grösum.

Ekki missa af
 - Heillandi kastölum og moskum sem heilla þá sem upplifa og gleymast ekki .  Allir verða að sjá meistaraverkið Ægissif sem gnæfir yfir Gamla borgarhlutann í Istanbúl.

 - Meistaraverkinu Topkapi kastalanum með dásamlegri litadýrð og magnaðri byggingarlist. Einvaldar Ottoman veldisins, sem réðu yfir Istanbúl í meira en 600 ár, bjuggu í kastalanum.
 
- Að standa fyrir framan Bláu Moskuna og njóta stórfenglegs hvolfþaksins og hina sex bænaturna.
 
- Að týna sjálfum þér í völundarhúsinu Grand basarnum frá 14. öld þar sem yfir 4000 kaupmenn bjóða handunnar vörur, allt frá inniskóm til teppa og gullúra.
 

Upplýsingar um verð er í bókunarvél VITA.