Andra Seattle

Hótel Andra er nútímalegt hótel í Belltown, staðsett í líflegu hverfi sem nær niður að höfninni í Seattle. Hótelið er í sögufrægri byggingu sem var reist árið 1925 en hótelið sjálft opnaði árið 2004 og er því mjög nýlegt. Tvær verslunarmiðstöðvar og hinn stórskemmtilegi markaður „Pike Place“ eru í göngufæri við hótelið.

Hótel Andra er með 119 herbergi, falleg og nútímaleg með dökkbláum sængurfatnaði og dökkum húsgögnum. Greiða þarf fyrir aðgang að interneti á herbergi.

Baðherbergin eru einnig blá með þykkum, þægilegum handklæðum og úrvals snyrtivörum.
 
Veitingstaður hótelsins, Lola, er einn af betri veitingastöðum Seattle með grískt, „fusion“ eldhús þar sem allt er eldað úr úrvals fersku hráefni. Veitingastaðurinn Assaggio er ítalskur, einkum og þekktur fyrir gæða vín.

Gestamóttakan einkennist af  plasma sjónvarpsskjáum sem endurvarpar í sífellu litrík listaverk. Hótelgestir hafa frían aðgang að tveimur tölvum með háhraða interneti í móttökunni. Þráðlaust net næst alls staðar á hótelinu, sem er reyklaust.

Belltown svæðið er stórskemmtilegt og þar er hægt að finna fjölda veitingastaða, alls kyns verslanar, næturklúbba og listmunasala.

(+)til baka