Pestana Casino Park, Madeira

Pestana Casino Park er gott hótel í göngufæri við miðbæinn í Funchal.  Frá hótelinu er útsýni yfir flóann, höfnina og fjöllin.  Hótelið var endurnýjað árið 2007 og eru öll salarkynni sérstaklega hugguleg. Flottar setustofur með líflegum bar og lifandi tónlist á kvöldin.

Við hlið hótelsins stendur spilavítið Casino de Madeira og næturklúbburinn Copacabana.  Þar eru ýmis konar sýningar í boði, allt frá lifandi tónlist til kabarettsýninga.   Spilavítið var hannað af hinum heimsfræga brasilíska arkitekt Oscar Niemeyr.

Hótelið stendur á fallegum stað rétt fyrir ofan höfnina þar sem eitt til tvö skemmtiferðaskip liggja gjarnan. Engin strönd er við hótelið.

Herbergin eru loftkæld, vel útbúin með dökkum innréttingum.  Á herbergjum eru gervihnattarsjónvörp, sími, smábar, netaðgangur og öryggishólf (gegn gjaldi), hárþurrka og svalir. Inni á baðherbergjum eru tveir vaskar, baðkar og sturta.
Herbergi með garðsýni eru á neðri hæðum hótelsins en á efri hæðunum eru herbergi með "hliðar" sjávarsýn. 

Veitingastaðir eru tveir. Sunset Restaurant & Bar er á la carte veitingarstaður með rómantísku ívafi.  Panoramic Restaurant er morgunverðarstaður með fallegu útsýni yfir hafið, flóann og bæinn.  Þar er skemmtidagsrká  nokkrum sinnum í viku. Dock side Restaurant & Bar er veitingarstaður við sundlaugina. Þar er boðið upp á léttar hressingar og rétti í fallegu umhverfi. Einnig býður hótelið upp á herbergjaþjónustu allan sólarhringinn.

Hægt er að eiga notalega stund í heilsulindinni en þar er hægt að láta dekra við sig á ýmsan hátt – reyndar gegn greiðslu, ef um nudd eða aðra sérþjónustu er að ræða.

Fæði:  Morgunverður eða hálft fæði

(+)til baka