CS Madeira Atlantic Resort & Sea Spa, Madeira

Flott og einstaklega fallegt fimm stjörnu hótel á góðum stað í Funchal. Hótelið stendur við sjóinn og er hannað með það í huga utsýnið yfir Atlantshafið njóti sín. Hótelið var endurnýjað árið 2007. Frá hótelinu eru 2 km til miðbæjar Funchal.

Garðurinn er stór með tveimur sundlaugum og tveimur barnalaugum og eru laugarnar staðsettar fyrir framan hótelið alveg við sjóinn. Kids Planet Club er klúbbur fyrir yngri kynslóðina (4-12 ára) sem býður upp á daglega dagskrá án endurgjalds. Meðal afþreyinga má nefna fjölnotavelli fyrir blak, körfubolta og badminton, mini-golf, tennisvöll og köfunarskóla.

Á hótelinu er líkamsræktarstöð og heilsulind þar sem hægt er að fara í dekurmeðferðir gegn greiðslu.

Herbergin eru fallega innréttuð og búin öllum helstu þægindum s.s. loftkælingu, smábar, gervihnattarsjónvarpi, síma, öryggishólfi, skrifborði og interneti. Inni á baðherbergjum eru sloppar og hárþurrka.

Herbergi eru með garðsýni og/eða "hliðar" sjávarsýn. Einnig er hægt að fá "Superior" herbergi sem snýa beint yfir hafið.

Á hótelinu eru margir veitingastaðir sem bjóða ýmist upp á morgun- hádegis- og kvöldverði og aðrir sem bjóða upp á létta rétti sem hægt er að grípa í yfir daginn.

Fæði: Morgunverður eða hálft fæði.

(+)til baka