Tyrkland 26.okt - 04.nóvember

   Kemer er mjög fallegur 20 þúsund manna tyrkneskur strandbær 40 km vestur af Antalyu í asíuhluta Tyrklands og liggur sunnarlega við Miðjarðarhafið. Umhverfið er einstök náttúrufegurð yfir 3000 metra hárra Taurusarfjalla sem skýla svæðinu fyrir köldum vindum. Það  má búast við hita milli 23 og 28 stigum. 
Hótelið Viking Star (www.vikingturizm.com) er 5 stjörnu lúxushótel þar sem allt er innifalið, mjög góður matur sem drykkur allan daginn. Sauna og Hamam, tyrkneskt bað eru innifalin og nudd, hárgreiðslustofa o.m.f. er innan veggja hótelsins. Hótelið er staðsett í miðbæ Kemer og liggur aðalgatan (verslunargatan) fram hjá hótelinu niður að smábátahöfninni og ströndinni. Verðlag er enn mjög gott í Tyrklandi og ber verð ferðarinnar vitni um það. Flogið verður í beinu leiguflugi með Icelandair.
 
 Á meðal skoðunarferða er heimsókn til Kappadókíu, sem er tveggja daga ferð og gist upp í fjöllum. Þar voru fyrstu heimkynni kristinna manna í frumkristni. Eins verður líka siglt að borginni Kekova rétt undan ströndinni, en hún sökk í sæ og er undir vernd UNESCO. Frægar grafhvelfingar Lydiumanna frá 5. öld fyrir Krist í Myra verða skoðaðar og eins kirkja heilags Nikulásar fyrirmyndar jólasveinsins.

Ferðalýsing er eftirfarandi

26. okt. þriðjud.  morgunflug til Antalya og komið sér fyrir á hóteli.

27. okt. miðvikud. Frjáls dagur

28. okt. fimmtud. Frjáls dagur

29. okt. föstud.  Frjáls dagur

30. okt. laugard. kl. 6:30 keyrt til hinnar heilögu borgar Konya (Mevlana) og þaðan til  Kappadokíu. Hádegismatur, kvöldmatur og gisting í eina nótt er innifalinn.

31. okt. sunnud.  Göreme o.fl. skoðað, síðan keyrt heim og innifalinn matur á leiðinni.

1. nóv. mánud. Útimarkaður við hótelið.

2. nóv. þriðjud.  kl. 9 er farið til Myra og grafhvelfingar skoðaðar í bæ Nikulásar. Síðan er siglt og borgin Kekova, sem sokkin er í sæ, en hún er vernduð af UNESCO.

3. nóv. miðvikud.  frjáls dagur

4. nóv. fimmtud.  Eftirmiðdagsflug heim

Verð kr 234 þús. plús 15.000 vildarpunktar í tvíbýli og aukalega  27 þús. fyrir einbýli.
Innifalið :  Beint flug, flugvallaskattar, allur akstur og skoðunarferðir, gisting með fullu
fæði (nema drykkir í skoðunarferðum)  og íslensk fararstjórn. 

(+)Til baka