Kyrrahaf, Panama og Karíbahaf 19.sept. 2012

Fljótandi lúxus og glæsileiki!

Einstök sérferð þar sem siglt er með skemmtiferðaskipinu Celebrity Infinity frá Celebrity Cruises, fimm stjörnu skipafélags í  eigu Royal Caribbean Crusie line. Um er að ræða sannkallaða lúxussiglingu eins og þær gerast bestar.

Dagsetning: 19. september  – 09. október 2012

Fararstjóri: Lilja Jónsdóttir

Seattle - Washington, San Francisco - Kaliforniu, Cabo San Lucas og Puerto Vallarta - Mexikó, Puntarenas - Kosta Ríka, Panama skurðurinn, Cartagena - Kólumbíu og Fort Lauderdale, Flórída.

Ævintýrið  hefst með beinu flugi til Seattle þann 19. september þar sem gist er í tvær nætur. Þaðan hefst siglingin suður með Kyrrahafsströnd Bandaríkjanna með viðkomu í San Francisco, en þar verður dvalið í heilan sólarhring. Þú upplifir ferðamannaperlur Mexíkó og náttúrufegurð Kosta Ríka áður en siglt er um Panama skurðinn, verkfræðiundrið mikla, verður að veruleika. Eftir það er dagur í Suður Ameríku, siglt er um Karíbahafið uns skipið leggst að bryggju í Fort Lauderdale.

Siglingin er í 17 nætur og eftir komu til Fort Lauderdale er ekið til Orlando og gist í eina nótt á hótel Florida Mall. Flogið til Íslands 9. október og lent í Keflavík snemma næsta morgun.

Komu- og brottfarartímar (m.v. staðartíma):Um skipið

Celebrity Infinity er í svokölluðum „Millennium“ flokki hjá Celebrity Cruises, sem er næst hæsti klassi skipafélagsins. Innréttingar skipsins einkennast af marmara, klassískum viðarinnréttingum og gleri. Allur aðbúnaður og vistarverur bera vott um gæði og glæsileika.

Skipið er tæplega 300 metrar á lengd og með rými fyrir liðlega 2.000 farþega.  Barir, veitingasalir, leiksýningar, skemmtanir, ótrúleg heilsulind og ótal aðrir afþreyingarmöguleikar, að ógleymdri fyrsta flokks þjónustunni sem fæst um borð, gera siglingu með Celebrity Infinity ógleymanlega.

Í desember 2011 fer Infinity í klössun og verður allt tekið í gegn.

Með því að smella hér geturðu farið í sýndarferð um skipið og skoðað allar vistarverur þess.

Skipin frá Celebrity Cruises eru margverðlaunuð og af mörgum fagaðilum talin þau bestu í heimi. Í þeim er nýjustu straumum í tísku og tækni blandað saman við tímalausan glæsileika og klassíska afþreyingarmöguleika. Smelltu hér til að vita meira um Celebrity Cruises skipafélagið.

Skoðunarferðir frá skipshlið:
Fjöldi skoðunarferða er í boði á öllum áfangastöðum skipsins. Valin verður ein ferð á hverjum áfangastað þar sem Lilja fararstjóri verður með í för. Áhersla er lögð á að hafa þessar ferðir fjölbreyttar, en einnig bent á að hver getur bókað ferð að eigin vali – eða notið hvers áfangastaðar án þess að fara í skoðunarferð.

Leiðarlýsing frá degi til dags:

Miðvikudagurinn 19.september:  Keflavík - Seattle

frá Keflavík til Seattle í Bandaríkjunum. Við komu þangað er farþegum ekið á hótel Andra þar sem gist verður í tvær nætur.  Kvöldið í Seattle er frjálst.

Fimmtudagurinn 20.september:  Seattle

Frjáls dagur í Seattle. Tilvalið að rölta um miðborgina og kíkja ef til vill upp í Space Needle, tákn borgarinnar þar sem útsýnisstaðurinn í 160 metra hæð gefur einstakt útsýni. Pike Place Market er einn merkasti markaður í Norður- Ameríku með yfir 600 standa og smáverslanir. Í miðborginni eru verslunarmiðstövar, verslanir, veitingastaðir, kaffihús og barir. Allt í göngufæri við hótel Andra.

Föstudagurinn  21. september: Seattle  – Um borð í Celebrity Infinity

Skipulögð skoðunarferð um borgina sem endar við skipshlið.  Stigið er um borð í Celebrity Infinity seinni part dagsins. Um kvöldið bíður ferðalanga girnilegur kvöldverður.

Laugardagurinn 22.september: Sigling um Kyrrahaf

Siglt suður með Bandaríkjunum, en fyrsti áfangastaður ferðarinnar er hin sögufræga og fallega San Francico.

Sunnudagurinn 23. september og mánudagurinn 24.september: San Francisco.

Siglt suður með Bandaríkjunum, en fyrsti áfangastaður ferðarinnar er hin sögufræga og fallega San Francico.

Borgin liggur á norðurodda San Francisco skagans, sem myndar San Francisco flóa. Borgarmörkin afmarkast í norðri af Golden Gate-brúnni, í vestri af Kyrrahafinu, í austri af San Francisco-flóanum og í suðri af hinum 300m háu Twin-Peaks hólum, sem spænskir trúboðar nefndu vegna útlits síns Los Pechos de la Chola eða Brjóst indjánastelpunnar.

San Francisco er einnig þekkt fyrir samtals 42 hæðir sínar, sem eru allt að 30m háar. Þær eru gjarnan mjög brattar og eru ástæða þess að sporvagnakerfi var tekið í notkun í borginni árið 1873. Borgin er ein mikilvægasta hafnarborg vesturstrandar Bandaríkjanna, aðallega vegna mjög góðra náttúrulegra hafnaraðstæðna. Í og við flóann er að finna eyjarnar Treasure Island, Farallon Island að ógleymdri fyrrum fangaeyjunni Alcatraz, sem nú hýsir safn.

Þriðjudagurinn 25.september og miðvikudagurinn 26.september  Sigling um Kyrrahaf

Siglt suður á bóginn undan ströndum Mexíkó, en þó það langt úti í hafi að ekki sést til lands nema stöku sinnum og þá í fjarska.

Fimmtudagurinn 27.september: Cabo San Lucas, Mexíkó

Dagur í hinni fallegu borg Cabo San Lucas sem er syðst á Baja Kaliforniuskaganum en skipið kemur þangað snemma morguns. Landslagið í kringum borgina er einkar fallegt og í kringum hana sést reglulega til hvala. Við hana er hægt að kafa, sigla á kajak og þá er fjöldi bara og veitingastaða í þessum litla en skemmtilega bæ. Hljómsveitin Van Halen opnaði veitingastað í bænum og einn meðlima hennar rekur hann í dag. Staðurinn heitir Cabo Wabo Cantina og er sá vinsælasti í bænum. Siglt af stað um kvöldið.

Föstudagurinn 28.september: Puerto Vallarta, Mexíkó

Heillandi strandbær sem hefur í áratugi verið einni vinsælasti ferðamannastaður í Mexíkó

Laugardagurinn 29. september til mánudagsins 1. október:  Á siglingu.

Áfram siglt í suðurátt meðfram Mexíkó og áfram meðfram vesturströnd Suður-Ameríku.

Þriðjudagurinn 2. október:  Puntarenas, Kosta Ríka

Komið eldsnemma til þessa skemmtilegar bæjar í Nicoya flóanum þar sem náttúrufegurð er einstök. Ein besta strönd Suður-Ameríku til brimbrettaiðkunar og þá er dýralífið ótrúlegt, allt frá spriklandi fiski við ströndina til Jagúar dýrsins sem heimamenn kalla El Tigre. Allir verða að smakka rétt borgarinnar ceviche de corvine, sem er nýveiddur fiskur marineraður í lime-safa, lauk, paprika og heimalöguðum kryddum. Yndislegur matur.

Miðvikudagurinn 3. október: Sigling

Siglt meðfram fallegri strönd Kosta Ríka, áleiðis til Panama

Fimmtudagurinn  4. október;  Sigling um Panama skurðinn

Ein mesta bylting siglingasögunnar er Panama skurðurinn sem tengir saman Atlantshaf og Kyrrahaf. Fyrst var reynt að grafa skurðinn fyrir 19. öld en eftir að um 22 þúsund manns höfðu dáið við framkvæmdirnar var beðið eftir betri tækni.

Skurðurinn opnaði loks árið 1914 en 5600 manns létust við gerð hans í það skipti. Hann stytti siglingaleiðina frá New York til San Fransisco úr 22.500 km í 9.500 km.  Byltingin var algjör. Það er ferðin í gegnum hann líka, skipið rís 25 metra á sérstökum lyftum og ný ævintýri bíða handan hafsins.

Föstudagurinn  5. október: Cartagena, Kólumbíu

Komið um hádegi til þessarar merku borgar og siglt aftur út kl. 20:00. Risavaxinn veggur og virki umlykja borgina en þau eru á heimsminjaskrá UNESCO.  Það er margt að sjá í borginni en þar er iðandi mannlíf, söfn, gallerí og skemmtilegt matar- og drykkjarhefð.

Laugardagurinn 6. október og sunnudagurinn 7. október:  Sigling um Karíbahaf

Draumkennd sigling um fagurblátt Karíbahafið áleiðis til Bandaríkjanna.

Mánudagurinn 8. október:  Fort Lauderdale og Orlando, Bandaríkjunum

Komið til Fort Lauderdale snemma morguns og ekið til Orlando. Þar er gist á Florida Mall hótelinu í eina nótt.

Þriðjudagurinn 9. október: Flogið til Íslands

Flogið frá Orlando um kvöldið heim til Keflavíkur þar sem áætlað er að lenda um kl. 6:00 að morgni  10. október.

Verð á mann m.v. tvo í klefa:

Innri klefi í verðflokki  -09-.  Klefi án  glugga:
409.900 kr.-* og 15.000 Vildarpunktar
*Verð án Vildarpunkta: 419.900 kr.-

Í ytri klefi í verðflokki  -06-.  Klefi með glugga og án svala :
439.600 kr.-* og 15.000 Vildarpunktar
*Verð án Vildarpunkta: 449.600 kr.-

Í ytri klefa í verðflokki -07-. Klefi með glugga og án svala:
465.891 kr.-* og 15.000 Vildarpunktar
*Verð án Vildarpunkta: 475.891

Í ytri klefa í verðflokki -2B-. Klefi með svölum:                                                                 
479.800 kr.-* og 15.000 Vildarpunktar
*Verð án Vildarpunkta: 489.800kr.-

Í ytri klefa í verðflokki -C2 - Concierge klassi  Klefi með svölum:                                                                 
515.600 kr.-* og 15.000 Vildarpunktar
*Verð án Vildarpunkta: 525.600 kr.-

Innifalið í verði ferðar:

• Flug til Seattle og frá Orlando
• Gisting á hótel Andra í Seattle í 2 nætur  án morgunverðar
• Skoðunarferð í Seattle
• Skemmtisigling með fullu fæði og afþreyingu í 17 nætur
• Þjórfé um borð í Celebrity Infinity
• Gisting á hotel Florida Mall í Orlando í eina nótt án morgunverðar
• Allar ferðir milli flugvalla, hótela og skips
• Íslensk fararstjórn

Ekki innifalið:

• Skoðunarferðir á áfangastöðum skipsins
• Annað, sem ekki er talið upp í ferðalýsingu.

Lágmarksþáttaka í þessa ferð eru 20 manns og hámarksfjöldi 40 manns. Greiða þarf 80.000 króna staðfestingargjald á mann við bókun og ganga þarf frá greiðslu 60 dögum fyrir brottför.