Ævintýraferð - Kenýa

Ævintýraferð til Kenya

4. - 20. nóvember

Fararstjóri: Elín Þorgeirsdóttir

Fundur með fararstjóra verður haldinn á skrifstofu VITA, Suðurlandsbraut 2, 20.október kl. 17:30.

VITA býður upp á einstaka ferð til Kenya í samvinnu við íslensk – kenýsku ferðaskrifstofuna Afríka –Ævintýraferðir. Ferðast verður víða um þetta fjölbreytta land og  við kynnumst framandi menningu og dýralífi.
Ferðin hefst í höfuðborginni, Nairobi, þar sem að gist verður tvær nætur. Í Nairobi heimsækjum við ABC heimilið sem er rekið  af Þórunni Helgadóttur og fræðumst um það merkilega starf sem þar er unnið.

Verndarsvæði fyrir gíraffa verður einnig skoðað sem og Sheldricks Elephant Orphanage sem þjálfar munaðarlausa fílskálfa til að takast á við lífið út í náttúrunni. Heimili Karenar Blixen skáldkonu verður heimsótt og farið  út að borða á Carnivore sem er  þekktur veitingastaður í Afríku.

Frá Nairobi er ekið um sigdalinn mikla að Naivashavatninu og gist í tvær nætur. Farið í gönguferð um Crescent Island þar sem að sebrahestar, gnýir og antilópur ganga um en engin ljón! Að Crescent Island er stutt bátsferð og miklar líkur á að sjá flóðhesta á svamli.  Skammt frá Naivasha er Nakuru þjóðgarðurinn sem að umlykur samnefnt vatn og þangað ökum við. Þar má sjá  fjölda flamingófugla auk pelikana og annara fugla. Í Nakuru eru einnig nashyrningar, buffalar, ljón auka margra annara dýrategunda sem þekktar eru í Kenya.

Nú höldum við í norður til Maralal þar sem að Samburu þjóðin ræður ríkjum. Gist verður í tvær nætur í einföldum „huttum“ og óhætt er að segja að hér fáum við Afríku beint í æð! Í boði verður að fara í dagsgöngu með Samburu mönnnum um landsvæði þeirra og heimsækja hefðbundið Samburu þorp. Þeir sem að ekki vilja ganga geta slakað á yfir daginn og notið umhverfisins. Frá Maralal er ekið til Samburu þjóðgarðsins þar sem gist verður á glæsilegum stað í hjarta garðsins. Farið verður í safaríferðir og einnig farið í heimsókn til Umoja sem er þorp rekið af Samburukonum, eins konar kvennaathvarf.

Leiðin liggur svo aftur í suður með viðkomu í Sweetwaters svæðinu sem er skammt frá hæsta fjalli Kenya, Mt Kenya. Þeir sem vilja geta farið í safari en annars er indælt að njóta þess að horfa á dýrin við vatnsbólið sem er rétt fyrir utan smekkleg herbergin. Daginn eftir er komið til Nairobi og flogið til Mombasa sem er við Indlandshafið og ekið að fallegri Diani ströndinni. Pálmatrén blakta í golunni og það er eins og tíminn standi í stað þegar horft er út á hafið þar sem að hefðbundnar seglskútur sigla til Zanzibar úti við sjóndeildarhring.

Margir veitingastaðir eru við ströndina frá öllum heimshornum sem gaman er að heimsækja og einnig er auðvelt að prútta og pranga allskyns varning af innfæddum í ótal smábúðum. Ferðinni lýkur svo með tveggja nátta viðkomu í hafnarborginni Mombasa þar sem að gamli bærinn er skoðaður og um kvöldið verður siglt út á Nyali sundið undir ljúfu undirspili á meðan gómsætir réttir eru snæddir undir stjörnubjörtum himni Afríku!
Sannkölluð ævintýraferð sem lætur engan ósnortin.

4.Nóvember : Ferðadagur
Flogið frá London áleiðis til Kenya með næturflugi .

5. Nóvember : Nairobí höfuðborg Kenýa

Lent í Nairobi snemma dags og ekið að Jacaranda hótelinu sem við munum gista á í tvær nætur. Þennan dag er tilvalið að slaka á eftir flugið og njóta aðbúnaðar á hótelinu.  Um kvöldið förum við út að borða á einn frægasta veitingastað í Afríku “Carnivores” sem að sérhæfir sig í grilluðum kjötréttum m.a. krókódíl.
Gistíng: Jacaranda hotel
Máltíðir: K

6. Nóvember : Nairóbi – dagsferð
Karen Blixen safnið – Munaðarlausir fílar – Gíraffaheimsókn – ABC heimilið

Þennan dag  könnum við Nairobi og nánasta umhverfi. Meðal annars verður farið að fyrrverandi heimili Karenar Blixen og fræðst um hana. Einnig verður verndarsvæði fyrir gíraffa skoðað sama dag sem og Sheldricks “uppeldistöðina” fyrir munaðarlausa fílskálfa. Heimsókn á ABC heimilið fyrir munaðrlaus börn í Nairobi.  Kvöldmatur snæddur á hótelinu.
Gistíng: Jacaranda hotel 
Máltíðir: M, H, K

7. Nóvember : Nairobi – Naivasha
Sigdalurinn mikli - Crescent Island

Eftir morgunverð  er ekið í suður um Sigdalinn mikla að Naivasha vatninu. Naivashavatnið er í Sigdalnum mikla og þar má finna fjölda fugla, flóðhesta auk annara dýra. Eftir hádegi verður siglt út í eyju sem nefnist Crescent Island og þar er hægt að ganga um eyjunna innan um zebra, gíraffa, gasellur ofl dýr. Það eru engin rándýr á eynni. Hér var hluti myndarinnar “Out of Africa” tekin.  
Gisting: Naivasha Simba Lodge.
Máltíðir: M, H, K

8. Nóvember : Naivasha – Nakuru - Naivasha

Eftir morgunverð ökum við að Nakuru þjóðgarðinum u.þ.b. 1 ½ tíma akstur. Þar verður farið í safarí og komið heim seinnipart dags. Nakuruvatnið er m.a. þekktast fyrir þann fjölda flamingófugla sem þar dvelur auk annara fugla og dýrategunda. Í Nakurugarðinum eru flest þau viltu dýr sem við tengjum við Afríku svo sem ljón, sebrahestar, gíraffar, buffalar, nashyrningar og fleiri dýr.
Gisting: Naivasha Simba Lodge.
Máltíðir: M, H, K

9. Nóvember : Naivaha – Thomsons falls
Miðbaugur – Rumarutti - Maralal

Lagt af stað strax eftir morgunmat  og ökum í norður  átt að Rumurutti. Á leiðinni er farið yfir miðbaug þar sem við stoppum og sjáum í raun hvernig hægt er að mæla að við séum stödd á miðbaug. Frá Rumurutti er uþb 3 tímar að Maralal. Þessi dagur verður ferðadagur en gaman er að sjá hvernig landslagið breytist og mannlífið er litríkt. Gist verður á litlu gistiheimili í tveggja manna húsum. Um kvöldið munum við borða afrískan mat á veitingastað gistiheimilisins.
Gisting: Yare Safari Club.
Máltíðir: M, H, K
Áhugavert : http://en.wikipedia.org/wiki/Nanyuki

10. Nóvember : Maralal-Úlfvaldar -dagsferð

Eftir morgunverð verður lagt af stað í gönguna um fallegt og myndrænt landsvæði Samburumanna. Á þessum slóðum er mjög þurrt og heitt svo að góð sólarvörn og mikið af vatni er mikilvægt þennann dag. Gengið er í gegnum þorp og sveitir og inn í skóg og þaðan til baka að gistiheimilinu seinni part dags. Hægt er að ganga og einnig verður hægt að sitja úlfalda. Ekki er víst að öllum þyki það hin mesta þægindareið svo að valið er ykkar !
Gisting: Yare Safari Club.
Máltíðir: M,H,K

11. Nóvember : Maralal – Samburu þjóðgarðurinn.
Keyrt frá Maralal til Samburuþjóðgarðsins um fjölbreytt og  fallegt landslag. Ef að heppnin er með okkur þá komum við auga á einhvert hinna viltu dýra landsins út um gluggann. Þegar við komum í þjóðgarðinn dólum við okkur að gististaðnum í von um að sjá fjölbreytt dýralífið. Þeir sem treysta  sér í eftirmiðdagssafarí fara en hinir geta slappað af og notið umhverfisins.
Gisting: Samburu Sopa lodge
Máltíðir: M,H,K

12. Nóvember : Samburuþjóðgarðurinn - safarí
Farið er af stað um morgunin fyrir sólarupprás á fjórhjóaldrifnum jeppum. Það er ógleymanlegt að sjá þegar dýrin koma að vatnsbólunum eftir nóttina til að brynna sér. Í Samburuþjóðgarðinum eru flest þau villtu dýr sem við tengjum við Afríku, fílar, ljón, sebrahestar, strútar o.fl. Komið til baka í morgunverð. Síðan er hvíld fram að eftirmiðdegissafaríi. Keyrt er um garðinn með skilningarvitin þanin í leit að villidýrum. Komið aftur fyrir kvöldmat.
Gisting: Samburu Sopa lodge
Máltíðir: M,H,K

13. Nóvember : Samburu – Umoja, Kvennaþorp - Mt. Kenya - Sweetwaters
Umoja kvennaþorpið heimsótt,  safarí í Sweetwaters og útsýni að Mt. Kenya.
Eftir ríkulegan morgunverð verður farið í Kvennaþorpið Umoja sem er í útjaðri Sambúruþjóðgarðsins.
Umoja þýðir sameining „unity“ en það var stofnað árið 1990 af 15 konum sem höfðu verið beittar misrétti. Samburukonur eru einn af jaðarhópum í kenysku samfélagi en staða þeirra er lág og réttindi þeirra lítil.
Kvennaþorpið er rekið eingöngu af konum og er eitt af markmiðum þess að fræða aðrar konur af sama ættflokki um réttindi þeirra, heilsufar og annað sem þurfa þykir.

Í þorpinu í dag búa um 60 konur með börnum sínum og er þorpið sjálfbær eining í samfélaginu. Þær reka skóla, eru með búfénað og búa til skartgripi og annað til að selja á mörkuðum til að framfleyta sér.
Eftir heimsókn í kvennaþorpið verður farið að rótum hæsta fjalls Kenýa „Mt. Kenya“ (5199m) næst hæsta fjall Afríku á fallegt verndarsvæði, Sweetwaters. Þar verður farið í eftirmiðdagssafarí og svo slakað á um kvöldið ,með yfirsýn yfir fallegt vatnsból og ef að heppnin er með okkur þá koma dýrin að fá sér sopa í sólsetrinu.
Gisting: Serena Sweetwaters
Máltíðir: M,H,K

14. Nóvember : Mt. Kenya – Nairobi - Diani
Safarí- Flug – Strönd

Eftir morgunverð verður farið í loka safarí ferðarinnar. Ekið er um fallegan Sweetwaters garðinn í leit að villidýrum. Eftir safaríferðina verður keyrt til Nairobi og flogið þaðan til Mombasa.
Eftir flugið tekur við akstur að Diani ströndinni sem er í 40 km suður af Mombasa.
Gisting: Galu
Máltíðir: M,K

15. Nóvember : Diani ströndin

Á Diani eru strendurnar enn þá eins og maður ímyndar sér að þær eigi að vera. Pálmatrén blakta í golunni og hrein ströndin tekur á móti tærum og volgum sjónum. “Túrisminn” hefur ekki enn þá hafið innreið sína inn í þessa paradís að neinu ráði sem gerir dvölina einstaka upplifun. Enn gefur að líta hefðbundnar skútur innfæddra, er þær sigla til dæmis til Zanzibar eða annar eyja með krydd og framandi varning. Hér gefst okkur tími til að slaka á og gleyma vestrænu stressi og áhyggjum. Allskyns skart og handunnin vara er til sölu í litlum strákofum við ströndina og tilvalið að prútta við sölumenn um kaup og kjör.
Gisting: Galu
Máltíðir: M,K

16. Nóvember : Sérferð fyrir áhugasama
Skútusigling – dagsferð
Siglt að kóralrifjum á hefðbundnum skútum þar sem er hægt að “snorkla” og skoða skrautfiska í sjónum við kóralrifið. Ef heppnin er með manni má sjá höfrunga leika sér í sjónum. Á heimleiðinni er komið við í hellum sem áður geymdu þræla. ATH. Að skúturnar sem verið er að bjóða eru hefðbundnar tréseglskútur byggðar eftir upprunalegri fyrirmynd skúta, sem sigldu milli Mombasa og Zanzibar með þræla, krydd og annan varning
Gisting: Galu
Máltíðir: M,K

17. Nóvember : Diani ströndin
Það er reynsla margra að gott sé að slaka á  við ströndina í nokkra daga en það er líka nóg að gera ef að fólk vill. Það eru margir veitingastaðir við ströndina og um að gera að njóta alls þess sem þeir bjóða upp á. Einnig er gaman að prútta við innfædda og kaupa allskyns skart og minjagripi.
Gisting: Galu
Máltíðir: M,K

18. Nóvember : Diani ströndin - Mombasa
Ekið til hafnarbæjarins Mombasa um hádegisbil. Við munum dvelja á hótelíbúðum á hinu vel staðsetta Tamarins Village. Íbúðirnar eru með 2 eða 3 herbergi en íbúar deila með sér rúmgóðri stofu og svölum er snúa út að Nyali sundinu
Um kvöldið þegar allir hafa skipt yfir í betri fötin og fengið sér fordrykk út á svölum göngum við niður steintröppur og um borð í Tamarins skútuna sem mun sigla út á sundi. Þar verður grillað sjávarfang um borð og snætt undir stjörnubjörtum afrískum himni á meðan að tónlistarmenn leika af fingrum fram.
Gisting: Tamarind Villages:
Máltíðir: M,K

19. Nóvember : Mombasa – og heimflug
Gamli bærinn í Mombasa –Fort Jesus – tréútskurðarverkstæði - hálfsdagsferð
Eftir morgunverð verður hið Hið forna virki Portúgala “Fort Jesus” skoðað og einnig gamli bærinn sem er með heillandi blöndu af arabískri og swahíli menningu Í gamla bænum óma moskurnar og mannlífið er litrík og framandi blanda frá ólíkum menningarheimum. Að lokum er farið til Akamba verkstæðisins. þar sem hægt er að gera góð kaup á handunnum trévörum.
Gisting: Tamarind Villages
Máltíðir: M,K

Flogið heim um kvöldið

Verð á mann m.v. tvo í herbergi:

586.900,- kr.* og 15.000 Vildarpunktar
*Verð án Vildarpunkta: 596.900,- kr.

Verð á mann m.v. einn í herbergi:

704.500,- kr.* og 15.000 Vildarpunktar
*Verð án Vildarpunkta: 714.500,- kr.

Innifalið í verði ferðar:

• Flug til og frá Kenýa
• Flug frá Nairobi að Diani ströndinni
• Gisting skv. ferðalýsingu.
• Málsverðir skv. ferðalýsingu.
• Akstur, ferðir og aðgangseyrir skv. ferðatilhögun
• Safarí
• Innfæddir leiðsögumenn þegar þess þarf.
• Allar ferðir milli flugvalla og hótela í Kenýa
• Íslensk fararstjórn

Ekki innifalið:

• Ferðatrygging, vegabréfsáritanir, gos, áfengir drykkir
• Annað, sem ekki er talið upp í ferðalýsingu.
• Lágmarksþáttaka í þessa ferð eru 10 manns og áskilur VITA sér rétt til að fella ferðina niður ef þátttaka næst ekki.
  

  ---

Máltíðir:  Skv. ferðalýsingu M, H,K . M = Morgunverður, H= Hádegisverður, K= Kvöldverður.