Aaritz

Mjög gott fjögurra stjörnu hótel sem er staðsett miðsvæðis í Selva, beint á móti Ciampinoi-lyftunni. Óhætt er að fullyrða að allar vistarverur séu hinar glæsilegustu á Aaritz og er hótelið tilvalið fyrir þá sem vilja virkilega dekra við sig á meðan dvölinni stendur.

Hótelstjórinn leggur allt kapp á að skapa þægilegt og afslappandi andrúmsloft og má segja að gestir upplifi þá stemningu um leið og gengið er inn í móttökusal hótelsins, en þar er stór og notaleg setustofa þar sem ávallt er kveikt upp í arninum þegar hótelgestir koma heim af skíðum og úrval drykkja er á hótelbarnum. Frá setustofunni liggur glæsilegur stigi uppí veitingasalinn, sem er á 2.hæð hótelsins.

Maturinn á hótelinu þykir mjög góður en hálft fæði er innifalið í gistingunni. Hægt er að velja á milli tvenns konar herbergja. Annars vegar er hægt að fá hefðbundið tveggja manna herbergi sem er mjög makindalegt og stílhreint. Hins vegar er hægt að fá betra herbergi (superior) sem eðlilegra er stærra og betur útbúið. Með aukarúmum gesta mest fjórir gestir gist í einu og sama herberginu.

Öll önnur aðstaða á hótelinu er fyrsta flokks. Á hótelinu er líkamsræktaraðstaða, ágæt sundlaug, sauna, blautgufa og hvíldarherbergi.

(+)til baka