Oswald

Glæsilegt og nýlega uppgert  fjögurra stjörnu hótel sem hefur notið mikilla vinsælda hjá Íslendingum síðustu ár. Hótelið er stórt og tilkomumikið og allur aðbúnaður er fyrsta flokks.  Hótel Oswald er við aðalgötuna í Selva.

Herbergi hótelsins eru afar hlýleg og hönnuð þannig að falleg viðarhúsgögnin fá að njóta sín. Hægt er að fá herbergi fyrir allt upp í fjóra gesti. Þess má geta að kæliskápar eru inni á öllum herbergju, en herbergin voru öll endurnýjuð fyrir fjórum árum.

Hótelið er staðsett um 400 metra frá Champinoi skíðakláfnum og svo er hótelið með lítla skíðarútu  sem gestir geta tekið í lyftuna, en þá þjónustu þarf að panta fyrirfram. Verslanir má finna handan götunnar og skíðarútan stoppar fyrir framan hótelið á nokkurra mínútna fresti.

Veitingasalur hótelsins er sérstaklega glæsilegur, en stutt er síðan hann var endurnýjaður og ávallt er lagður ríkur metnaður  að bjóða eingöngu fyrsta flokkst mat.

Á hótelinu er glæsileg heilsulind þar sem hægt er að komast í gufuböð, nuddpott, ilmbað, ljósabekki og ýmislegt fleira. Þá er boðið upp á ýmsar vellíðunar- og slökunarmeðferðir gegn gjaldi. Á hótelinu er einnig lítið leikherbergi fyrir yngstu kynslóðina.

Innifalið er hálft fæði

(+)til baka