Shandrani, Wellenss and family hotel, Val di Fiemme

Mjög gott fjögurra stjörnu hótel í Val de Fiemme dalnum. Hótelið stendur við þjóðveginn í skógi vöxnum hlíðum rétt fyrir neðan skíðasvæðin. Allt er til alls á hótelinu, herbergin eru rúmgóð og henta bæði einstaklingum, fjölskyldum og hópum prýðilega. Hægt er að fá allt frá tveggja til fimm manna herbergi.

Skíðarútan stoppar fyrir framan hótelið og það tekur sjö til tíu mínútur að aka á Pampeago svæðið, þar sem langar og skemmtilegar brekkur bíða þín. Þegar komið er heim á hótel eftir góðan skíðadag er upplagt að nýta tímann til að skella sér í sund og nota heilsulindina á hótelinu. Þar er heitur pottur, gufuböð og líkamsræktarsalur. 

Hótelbarinn er fínn og maturinn þykir mjög góður og glæsilega fram borinn. Mikið er gert úr svæðisbundinni matargerð og talsvert af matnum kemur frá svæðinu í kring. Þar er meðal annars hægt að fá mjög góðan ítalskan mat og úrvals vín frá héraðinu.

Morgun- og kvöldverðarsalurinn er fallegur og þjónustan er fyrsta flokks. Þegar komið er heim af skíðasvæðinu er boðið upp á léttar veitingar og óáfenga drykki eins og heilsusamlegt te, aldinsafa og kaffi.

Herbergin eru falleg og búin helstu þægindum. Öll með baðkari eða sturtu, öryggishólfi, síma, hárþurrku, smábar og gervihnattasjónvarpi. Flest herbergin eru með svölum.

Hótelið er mjög gott fyrir allt skíðafólk sem vill njóta náttúrufegurðar og þæginda á hótelinu á milli þess sem það skíðar á frábærum skíðasvæðum.

(+)til baka