Somont, Selva

Hótel Somont er fallegt  fjögurra stjörnu hótel, ofarlega í bænum Selva. Það er frábærlega vel staðsett við skíðabrekku sem liggur frá einu stærsta skíðasvæðinu niður í miðbæ.

Aðeins 200 metrar eru frá hótelinu að næstu skíðalyftu og þú getur rennt þér heim að dyrum. Fimm mínútna gangur er í miðbæinn, þannig að staðsetningin gerist vart betri.
 
Á Somont er gestamóttaka, falleg setustofa með arni, veitingasalur og bar. Hótelið, sem hefur verið 3ja stjörnu hótel hefur fengið andlitslyftingu og státar nú af 4 stjörnum.
Heil hæð er komin ofan á hótelið og búið að stækka veitingasalinn.
 
Sumarið 2010 var opnað nýtt og glæsilegt heilsusvæði með innisundlaug, sólbekkjum, tyrknesku baði, nuddpotti, sauna og hvíldaraðstöðu.

Vita er með samning um þrjár gerðir herbergja:
„Superior“, „Comfort“ og Junior suite.

Comfort
Tvíbýli  - Comfort, er 27 m²
Rúmgóð tveggja manna  herbergi í fallegum alpastíl. Herbergi eru parketlögð, öll með sturtu og hárþurrku, setkrók, síma, sjónvarpi, nettengingu (gegn greiðslu), öryggishólfi og svölum.

Tvíbýli – Superior er 29 m²
Rúmgóð tveggja manna herbergi í fjallakofa eða alpastíl. Herbergi eru parketlögð, öll með sturtu og hárþurrku, setkrók, síma, sjónvarpi, skrifborði með tenginu við internetið  (gegn greiðslu), öryggishólfi og svölum eða verönd.

Tvíbýli – Junior Suitee 32 m²
Rúmgóð tveggja manna herbergi í fallegum alpastíl. Svíturnar eru parketlagðar, allar með sturtu og hárþurrku, setkrók eða sófa,  síma, sjónvarpi, skrifborði með tenginu við internetið  (gegn greiðslu), öryggishólfi og svölum.

Á hótel Somont er hálft fæði.

(+)til baka