Savoy

Hótel Savoy er nýlegt og einstaklega glæsilegt hótel þar sem dekrað er við hótelgesti.  Staðsetning er frábær og hægt að skíða frá hótelinu í næstu lyftu og renna sér beint heim í lok dags.

Sameiginleg rými eins og bar og setustofa eru glæsileg og í lestrarhorninu er arinn sem kveikt er upp á hverjum degi.
Heilsulindin er ein sú besta í Selva og eru öll möguleg böð, gufur og pottar í boði. Sundlaugin er í glerhýsi með mögnuðu útsýni til Dólómítanna.

Maturinn á hótelinu þykir hreint frábær og þjónusta fyrsta flokks.  Morgunverðarhlaðborðið er ferskt og flott og á kvöldið stendur valið um að njóta réttanna á hlaðborðinu eða panta af matseðli.  Þú getur meira að segja farið niður í vínkjallara hótelsins og fengið að smakka á gómsætum vínum.

Hægt er að velja 3 tegundir herbergja. Venjulegt herbergi, „classic“, „premium“  eða „ comfort“. Svalir eru á öllum herbergum og þau eru útbúin öllum helstu þægindum eins og síma, sjónvarpi, hárþurrku og  þráðlausu interneti.

(+)til baka