Westin Resort & Spa, Whistler

Westin Whistler hotel & Spa er mjög gott 4 stjörnu hótel og er eitt best staðsetta skíðahótelið í Whistler. Er  rétt fyrir ofan aðal skíðakláfinn Whistler Mountain og í 2ja til 3ja mínútna göngufæri frá hinum líflega og heillandi miðbæ í Whistler.  Hótelið er í tveimur álmum, sem eru tengdar saman með verslunargötu innandyra. Gestamóttakan er  flott, rúmgóð og  með þægilegri setustofu.  Allar vistarverur eru með vel búnu eldhúsi, arni og flatskjá. Hótelið er allt nýlega endurnýjað.

Nálægt Whistler Mountain skíðakláfnum setur hótelið upp tjald á veturna þar sem hótelgestir geta tekið af sér skíðin og sér starfsmaður hótelsins um að koma þeim heim á hótel. 

Skíðalyftan Whistler Mountain er um 200 metra frá hótelinu og 50 metrar eru að göngugötunum í miðbænum  þar sem verslanir,  barir og kaffihús eru á hverju horni

Heilsulind, snyrtistofa, tækjasalur, lítil útisundlaug og nuddpottur.  Stór verslunargata innan hótelsins með sportbúð, minjagripaverslun,  listmunasölur, skíðaleigu, hraðbanka og Sushi veitingastað. Á  hótelinu er líka góður (en frekar dýr) veitingastaður þar sem hægt er að kaupa morgunverð og kvöldverð, bar með sjónvarpsskjám, aðgangur  að tölvum og stórar setustofur.

Stúdíó og íbúðir eru  419 talsins.
Vita er með „Studio Junior suites“ á samningi. Í þeim er fullbúið eldhús með uppþvottavél, ísskáp, snakki til sölu, örbylgjuofni og kaffivél.
Arinn, gott rúm með sæng, sófi, straujárn og strauborð, öryggishólf  og 32“flatskjár með bíómyndum og mörgum sjónvarpsrásum, einnig þráðlaust internet.
Ágætt baðherbergi með baðkari, sturtu, hárþurrku og snyrtispegli.  Á nokkrum hæðum er gossjálfsali, þvottavél og þurrkari.

Skíðageymlan er niðri, en í  Whistler eru eingöngu skíðin geymd í skíðageymslum hótelanna. Fólk tekur skóna með sér uppá herbergi.

Heilsulindin er á tveimur hæðum og alls kyns nudd og dekurmeðferðir í boði, gegn gjaldi.  Einnig tækjasalur, nuddpottur og sauna. Sundlaugin er pínulítil og að hluta innan dyra. Er ekki alltaf opin á veturna, fer eftir veðri.

Westin Whistler er fyrirtaks hótel og fínn kostur fyrir skíðafólk.

(+)til baka