Whistler - skíðaferð

Whistler - eitt besta skíðasvæði heims!

Hópferð: 9. – 19.mars 2011

Fararstjóri: Örn Kjærnested

Skíðaparadísin Whistler er í Coast fjöllunum í  British Columbia  í Kanada.  Vetrarólympíuleikarnir  2010 voru haldnir í Whistler, sem talið vera eitt allra fremsta skíðasvæði í Norður Ameríku. Snjórinn þekur gríðarstórt svæði og allar aðstæður eru í heimsklassa.  Whistler  er stærsta samfellda skíðasvæði  Norður Ameríku og er árlega á topp 5 lista helstu skíðatímarita eins og  „SKI“ , „Powder“, „TransWorld Snowboarding“  o.fl.  Skíðavertíðin nær fram á sumar, en mars er eitt besta tímabilið, þar sem kuldi getur verið býsna mikill í janúar og fram í febrúar. 

Bærinn er í 600 metra hæð og 2 kláfar auk stólalyfta flytja skíðafólk upp í fjöllin tvö  sem eru Whistler og Blackcomb. Lyfturnar eru við stórt torg efst í bænum og hótel Westin Whistler er staðsett um 200 metra frá Whistler Mountain kláfnum. 

Bærinn er einstaklega aðlaðandi með göngugötum, verslunum, listmunasölum  „après ski“ börum og veitingastöðum.  Ágætis matvöruverslun er í bænum og ekta amerísk „drugstore“.  Alls eru um 200 verslanir og 90 veitingastaðir í bænum – allt í göngufæri. Í bænum er skíðaskóli og skíðaleigur, þ.m.t. ein á hótel Westin.

Bærinn er líflegur eftir skíði og á kvöldin, enda gríðarlega vinsæll.

Ýmsar staðreyndir um Whistler:
Whistler Mountain kláfurinn teygir sig upp með fjallshlíðinni og endar í 1850 metra hæð.
Þar er feikistór veitingastaður með útsýni til allra átta og 5 mín gangur að „Peak 2 Peak“ kláfnum sem fer milli fjallatoppanna eða frá „Whistler Mountain yfir á„ Blackcomb Mountain.  Kláfurinn er glænýr og það tekur 11 mínútur að fara 4,4 kílómetra á milli tinda.  Í fjöllunum eru 17 fjallaskálar og veitingastaðir.

Yfir 200 skíðaleiðir eru í fjöllunum og lengsta rennsli eru 11 kílómetrar
38 skíðalyftur geta flutt liðlega 60 þúsund manns milli staða á hverrri klukkustund og hæsta lyftan fer í 2.284 metra hæð.

Í báðum fjöllunum eru víðfeðmar brekkur fyrir alla skíðamenn.  Grænar brekkur eru fyrir byrjendur, bláar fyrir milliklassann og svartar brekkur eru erfiðastar. Oftast er líka hægt að skíða á jökli.
Meðal snjókoma  á ári eru 10,2 metrar.

Fjarlægðir:
Frá Vancouver til Whistler eru 115 km og frá Seattle til Whistler eru liðlega 400 km.
       
Ferðatilhögun:
 
Miðvikudagurinn 9. Mars     Keflavík – Seattle
Flogið er með Icelandair og lagt af stað frá Keflavík kl. 16.55. Áætluð lending  er í Seattle  kl. 16:40 að staðartíma sama dag.  Klukkan í Seattle er 7 klukkustundum á eftir þeirri Íslensku.
Ekið á hótel Crowne Plaza, sem er vel staðsett í miðborg Seattle og tekur aksturinn tum hálfa klukkukstund.

Miðvikudagurinn 10. Mars           Seattle – Whistler
Ekið frá Seattle til Kanada og áfram upp til Whistler.  Vegalengdin er liðlega 400 km og tekur akstur með stoppi um fimm klukkustundir.  Ekið á hótel Westin þar sem dvalið verður í 9 nætur.

Miðvikudagur 10.mars til laugardags 19.mars – Whistler

Laugardagurinn 19. Mars                 Whistler-Seattle.
Ekið til Seattle og farið beint á flugvöllinn til að ná Icelandair flugi FI680 með brottför kl. 16:30, en áætluð lending í Keflavík er  kl. 06:45 að morgni sunnudags 20.mars.

Hægt er að framlengja dvöl á eigun vegum í Seattle og aðstoða sölumenn við bókun á hóteli ef óskað er.

Verð á mann:

Tvíbýli:
309.400 kr.-* og 15.000 Vildarpunktar
*Verð án Vildarpunkta: 319.400 kr

Einbýli:
439.900 kr.-* og 15.000 Vildarpunktar
*Verð án Vildarpunkta: 449.900kr.

Innifalið í verði ferðar:

Flug til og frá Seattle
Akstur frá hóteli í Seattle að hóteli í Whistler
Akstur frá hóteli í Whistler á flugvöll úi Seattle
Flugvallaskattar
Gisting án fæðis á Crowne Plaza í Seattle í eina nótt
Gisting án fæðis á Westin Whistler í 9 nætur
Íslenskur fararstjóri

 Verð á skíðapassa ef bókaður um leið og ferðin: (hópaverð)
19. - 64 ára          72.600 kr.
65 ára og eldri     64.500 kr.

Lágmarksþátttaka í þessa ferð er 20 manns