Tropicana Beach, Bodrum

Lítið, en fallegt íbúðahótel á mjög góðum stað við ströndina í Gumbet.  Gististaður sem hentar yngra fólki sérstaklega vel, enda líf og fjör í garðinum alla daga.

Við hótelið er rúmgott svæði með stórri sundlaug, barnalaug, sólbekkjum og sundlaugarbar, þar sem hægt er að fá létta rétti allan daginn.  Í garðinum hljómar gjarnan taktvæn tónlist.  Gengið er yfir götu á ströndina, en þar eru bekkir frá hótelinu sem gestir þess hafa aðgang að.

Í gestamóttökunni er lítil verslun með helstu nauðsynjum og snyrtileg stúdíó og íbúðir með einu svefnherbergi. Allar vistarverur eru loftkældar með eldhúskrók, ísskáp, síma, sjónvarpi, öryggishólfi og svölum eða verönd.

Hótelið er í stuttu göngufæri við iðandi mannlíf og næturlíf í miðbæ Gumbet.

(+)til baka