Marina Vista

Fallegt og sérlega rómantískt fjögurra stjörnu hótel á allra besta stað í Bodrum. Hótelið er staðsett í miðbænum, alveg við smábátahöfnina, þaðan sem útsýnið yfir höfnina og hafið er stórbrotið.  Stutt er í alla þjónustu og allar vistarverur hótelsins eru mjög góðar. 

Herbergin eru fremur lítil en þó mjög hugguleg. Þjónustan er rómuð hafa gestir það gjarnan á orði að hún sé persónuleg, enda eru aðeins 80 herbergi á hótelinu. Heilt yfir er óhætt að fullyrða að andrúmsloftið á hótelinu sé vinalegt. 

Við hótelið er huggulegur garður þar sem er góð aðstaða til að stunda sólbað og að sjálfsögðu er lítil sundlaug í garðinum fyrir þá sem vilja kæla sig niður. Hægt er að fá lánuð strandhandklæði endurgjaldslaust en nokkur spölur er í baðströnd, eða um 20 mínútna gangur.

Á efstu hæð er A la Carte veitingastaður með stórbrotnu útsýni yfir hafið. Morgunmatur er innifalinn í verði en auðvelt er að finna fjölbreytta og góða veitingastaði stutt frá hótelinu. 

Fólk kemur aftur og aftur á Majesty Marina Vista hótelið vegna staðsetningarinnar og einstaklega þægilegs andrúmslofts. 

(+)til baka