Vila Galé Cerro Alagoa

Þetta stílhreina fjögurra stjörnu hótel er vel staðsett, steinsnar frá gamla miðbænum í Albufeira. Herbergin eru virkilega smekkleg og rúmgóð, parketlögð og með nýtískulegum innréttingum. Stutt er síðan hótelið var gert upp.

Fyrirtaks sundlaugar eru við hótelið, bæði köld útilaug til að kæla sig niður í hitanum og upphituð innilaug. Allt hótelið er snyrtilegt og rólegheitin eru í fyrirrúmi.

Morgunmaturinn er góður, þar er gott úrval ávaxta og brauðmetis auk hefðbundins morgunmatar.

Ströndin er stutt frá hótelinu (10 mínútna göngufjarlægð) þar sem auðvelt er að slappa af. Að sama skapi er stutt í miðbæinn, þar sem hægt er að velja úr mörgum veitingastöðum, krám, kaffihúsum og skemmtistöðum.

Vila Galé Cerro Alagoa er fallegt og gott hótel á besta stað á Albufeira.

(+)til baka