Paraiso de Albufeira

Gott fjögurra stjörnu hótel, staðsett miðja vegu milli aðal verslunargötunnar í Albufeira og gamla miðbæjarins. Staðsetningin er því einkar góð. Hægt er að velja um þrennskonar íbúðir á hótelinu með allt upp í tveimur svefnherbergjum. Allt til alls er á hótelinu; frábær sundlaugagarður með stórum og góðum laugum og flottri aðstöðu þar sem meðal annars er hægt að spila mini-golf. Umhverfið er barnvænt og til dæmis er stór grasflöt í garðinum þar sem hægt að er hlaupa um. Ströndin er ekki nema í um 15 mínútna göngufjarlægð frá hótelinu.

Íbúðirnar eru góðar en þær eru þrenns konar, stúdíó íbúðir, íbúðir með einu eða með tveimur svefnherbergjum. Þær eru mjög vel útbúnar, bjartar og fallegar.

Stutt er í alla þjónustu en lítil búð er inni á hótelinu þar sem hægt er að kaupa helstu nauðsynjar. Veitingastaðir og kjörbúð eru í næsta nágrenni auk þess sem mjög stutt ganga er á skemmtistaði og bari.

Hótelið er mjög vinsælt og er rómað fyrir staðsetninguna og gott andrúmsloft.

Paraiso de Albufeira útvegar gestum sundlaugar-  strandhandklæði gegn gjaldi.  Hvert handklæði kostar 1 EUR á dag, auk þess er greidd trygging uppá 5 EURsem fæst endurgreidd þegar handklæðinu er skilað aftur.

Ein íbúð á hótelinu (m/1 svefnherbergi) er með hjólastólaaðgengi en þá íbúð þarf að sérpanta í gegnum skrifstofu VITA.

(+)til baka