Mediterranean Palace

Hótel  Mediterranean Palace er gott og einstaklega vel staðsett hótel  miðsvæðis á Playa de las América og steinsnar frá strönd. Sundlaugargarðurinn er ævintýralegur er rómverska sundlaugin mjög sérstök, 300 femetrar og umkringd rómverskum styttum. Önnur laug 1000 fermetrar og umhverfis hana eru gosbrunnar og geysifínt sólbaðssvæði.

Hótelið er heill heimur útaf fyrir sig með sínum ævintýralegu sundlaugargarði , veitingastöðum, börum og snakkbörum . Aðal veitingastaður hótelins býður uppá girnilegt hlaðborð alla daga með úrvali af þjóðlegum og alþjóðlegum réttum, auk þess að vera með sérstök þemakvöld.  Hægt er sitja úti eða inni (fer þó eftir veðri).

The Beach Club, við Playa del Camisón,  er notalegur staður við sjóinn. Þar er borinn fram matur á daginn, en á kvöldin breytist staðurinn í stóran bar og mörg kvöld er skemmtidagskrá með lifandi tónlist.

Atlantis  “Chill out”
Mjög spes sólbaðsstaður á fjórðu hæð hótelsins.
Sundlaug, töff bar með fínum kokteilum,  flottir  sófar og sólbekkir.  Opinn alla daga og fram á kvöld.

Snakkbarinn Marco Antonio er fínn fyrir létt hádegissnarl og er með ágætan krakkamatseðil.  Heilsu- og  safabarinn við sundlaugina er með fersk salat og nýkreistan djús.

Á hótelinu eru 535 herbergi , öll loftkæld með síma, sjónvarpi, öryggishólfi, hárþurrku og verönd eða svölum. Herbergi snúa ýmist yfir garðinn og sundlaugina eða að götu. Þráðlaust net  er í sameiginlegu rými.

Lifandi og líflegur hótelkompleks með sundlaugum, barnalaugum, nuddpottum og þremur tennisvöllum. Einnig mini-golf,  líkamsrækt, tækjasalur og alls kyns íþróttatímar eins og aerobikk, tai chi og jóga. Borðtennis, billjard og prógramm í garðinum alla dag.

Hárgreiðslustofa, smáverslanir og klúbbar fyrir börn og unglinga. Öll barnaaðstaða til fyrirmyndar. Heilsulindin “Mare Nostrum SPA Thalassotherapy Centre” er svo annar  heimur og sjón er sögu ríkari.

Líf og fjör fyrir lífsglatt fólk!

(+)til baka