Limak Lara De Luxe Hotel & Resorts

Hótel Limak Lara er glæsilegt 5 stjörnu hótel við Lara ströndina, skammt frá Antalya.  Sundlaugarðurinn er risastór, gróðursæll og gengið er úr garðinum beint út á mjúka sandströnd.
Frábær sameiginleg aðstaða, úrvals veitingastaðir, glæsilegur sundlaugargarður, flott heilsulind fín staðsetning og einstaklega falleg herbergi.
 
Á hótelinu eru 455 herbergi og svítur, nýtískuleg og fallega innréttuð í japönskum stíl.
Herbergi er loftkæld, með garð- og sjávarsýn, hárþurrku, gervihnattasjónvarpi, öryggishólfi, smábar, tónlistarrásum, síma og svölum. Aðgengi að neti er gegn gjaldi.
  
Hótelið býður „allt innifalið þjónustu“ og ganga gestir að vel útilátnum kræsingum á hlaðborði í veitingasalnum ZEN. Panta þarf og greiða væga þóknun til að borða á sérrétta veitingastöðunum, sem m.a. bjóða ítalskan mat og tyrkneskan. Gestir geta valið um mismunandi bari innan dyra sem utan, hvort sem er að degi eða á kvöldin.  Lifandi tónlist er flest kvöld og lífleg skemmtiatriði frá ýmsum löndum.

Heilsa og vellíðan skipar stóran sess á Limak Lara. Þar er heilsulindin „SAGOL“ með tækjasal, upphitaðri, risastórri innisundlaug, sauna, nuddpottum og tyrkneskt gufubaði. Færustu nuddarar eru til þjónustu reiðubúnir og hefur gestum þótt spennandi að prófa súkkulaðinudd!

Nóg er um afþreyingu á hótelinu. Leikir í sundlauginni á daginn og skemmtidagskrá á kvöldin. Tækjasalur, skvass, tennis og pílukast.  Á ströndinni eru sólbekkir og sólhlífar.

Bent skal á að öryggisgæsla á hótelum á Lara Beach er ströng og utanaðkomandi komast ekki inn á hótelin. Þannig getur vinafólk ekki heimsótt hvort annað á milli hótela.

Hótel Limak Lara de Luxe er frábær kostur fyrir fagurkera, sem vilja fyrsta flokks hótel.

(+)til baka