Miracle de Luxe Resort

Hótel Miracle de Luxe Resort er 5 stjörnu hótel við Lara ströndina, mjög nýtískulegt og smart. Gestamóttakan er stór og þar er hátt til lofts og vítt til veggja. Hótelgarðurinn er mjög stór og fallegur og beint fyrir framan hótelið og garðinn er 150 metra löng sandströnd til einkaafnota fyrir hótelgesti.  Hótelið er mjög stórt og þar er líf og fjör allan daginn og langt fram á kvöld. Veitingastaðir, líflegir barir, fyrirtaks heilsulind og rúmgóð herbergi.

Á hótelinu eru 703 herbergi og svítur á 10 hæðum. Herbergin eru fallega innréttuð í ljósum litum, annaðhvort með tveimur rúmum eða hjónarúmi, hægt að setja inn aukarúm. Ljós teppi á gólfum. Herbergi eru loftkæld, með hárþurrku, gervihnattasjónvarpi, öryggishólfi, smábar, tónlistarrásum, síma og frekar stórum svölum. Baðherbergin eru meðalstór, einnig í ljósum litum. Baðkar með sturtu. Aðgangur að neti er gegn gjaldi.

Hótelið býður „allt innifalið þjónustu“og er matur á hlaðborði í aðal veitingastað hótelsins. Ef gestir vilja borða á einhverjum af sérrétta veitingastöðunum, þarf að panta fyrirfram og greiða aukalega. Á borðum
er alþjóðegur matur, tyrkneskur, kínverskur og að sjálfsögðu ítalskur. Barir eru fjölmargir; lobbýbar, sundlaugarbar, diskóbar, heilsubar og „barinn í brúnni„. Lifandi tónlist er á kvöldin.

Heilsulindin er með 176 fermetra heitri innilaug, nuddpottum, sauna, tækjasal með aerobikk tímum og tyrkneskt gufubað. Nudd- og aðrar heilsumeðferðir auk snyrti- og hárgreiðslustofu.

Auðvelt er að komast í sport og ýmsar vatnaíþróttir. Starfsmenn hótelsins halda uppi prógrammi í sundlauginni á daginn og við hótelið eru fótboltavellir, einnig borðtennis, tennis og sér leiksvæði fyrir krakka. Á ströndinni eru sólbekkir og sólhlífar og þar komast gestir í sjósport, en hvað er í boði fer eftir árstíma.

Á hótelinu eru einnig smáverslanir og næturklúbbur.

Bent skal á að öryggisgæsla á hótelum á Lara Beach er ströng og utanaðkomandi komast ekki inn á hótelin. Þannig getur vinafólk ekki heimsótt hvort annað á milli hótela.

Hótel Miracle de Luxe Resort er hótel fyrir ungt fólk á öllum aldri, sem vill líf og fjör.

(+)til baka