Villa Cortes Gran Luxe & Spa

Villa Cortes er 5 stjörnu lúxúshótel, vel staðsett við ströndina á Playa de las Américas. Á hótelinu er fallegur sundlaugargarður, íburðarmikil herbergi, heilsulind, setustofur og  fyrsta flokks veitingastaðir.  Hótelið er byggt eins og mexíkanskur herragarður og  hrein upplifun að dvelja þar.

Á hótelinu eru 151 falleg herbergi, innréttuð í mexikóskum stíl. Íburðarmikil og glæsileg, málverk á verkum, efnismikil gluggatjöld, lampar og mublur af fínustu sort. Herbergin eru loftkæld, öll með baðslopp, hárþurrku, sjónvarpi, öryggishólfi, smábar, tónlistarrásum, síma og svölum eða verönd. Internet tenging í flestum herbergjum.
Hægt er að sérpanta lúxus svítur.
 
Veitingastaðir hótelsins  eru sex að tölu. Á veitingastaðnum Veracruz  svigna borðin undan ljúffengum kræsingum bæði  þegar borinn er fram morgunverðug og einnig á kvöldin þegar kokkarnir skarta sínu besta og töfra fram girnilega rétti.  Mexikóski maturinn á veitingastaðnum Pancho Villa þykir einn sá besti á Playa de las Americas. Hinn eðalfíni Tiziano er þegar þú vilt fara fínt út að borða og svo er hinn þýski Brauhaus með mjög góðan mat.
Þrír barir eru á Villa Cortes, einn í gestamóttöku, annar er píanóbar með lifandi tónlist og svo er þægilegur strandbar.
 
Andrúmsloftið á Villa Cortes er einkar notalegt í garðinum er stór sundlaug og þægilegir sólbekkir. Gengið er beint úr garðinum niður á litla einkaströnd.

Heilsulindin er með tyrknesku baði og fínustu nuddarar auka á vellíðan hótelgesta. Einnig má taka vel á í tækjasalnum eða spila tennis við hótelið.

Villa Cortes er fyrir fagurkera, sem vilja aðeins það besta.

(+)til baka