Sandos Monaco hotel and Spa

Hótel Sandos Monaco er gott 4ra stjörnu „allt innifalið“, sem opnaði vorið 2010 eftir gagngerar breytingar.  Gestamóttakan er stór og björt með marmara á gólfum og fínum setustofum. Sundlaugarsvæðið er allt flísalagt  með sólstólum og tveimur börum. Hótelið er á Levante ströndinni, um 450 metra frá ströndinni og gamla bænum.

Hótelið er 16 hæðir og með 199 herbergjum.  Herbergin eru þokkalega rúmgóð með með nýjum innréttingum og flísum á gólfi. Öll eru loftkæld með hárþurrku, flatskjá með gervihnatta- og tónlistarrásum, öryggishólfi, ísskáp eða smábar, síma og svölum. Á baðherberginu er hárþurrka og sturtuklefi.

Í veitingasal hótelsins er matur borinn fram á hlaðborði og innifalið í verði er morgun-, hádegis og kvöldverður.  Barirnir eru fjórir og er ávallt einhver þeirra opinn frá klukkan 10 á morgnana til klukkan 12 á miðnætti.  Áfengir drykkir sem eru innifaldir í verði eru ávallt innlendir og greiða þarf fyrri herbergisþjónustu og drykki sem eru í smábar á herbergi.  Gestir yngri en 18 ára fá ekki afgreitt áfengi á hótelinu.

Á sundlaugarsvæðinu eru sundlaug, barnalaug og barir. Skemmtidagskrá er bæði á daginn og kvöldin. Á daginn leikfimi og leikir í sundlauginni og á kvöldin troða skemmtikraftar upp með lifandi tónlist. Þráðlaust internet er í gestamóttöku.

Hægt er að fá sundlaugar og strandhandklæði á hótelinu, greiða þarf 10 EUR í tryggingu sem fæst endurgreidd þegar handklæðunum er skilað.

Hótel Sandos Monaco er fyrirtaks hótel fyrir alla aldurshópa

(+)til baka