Dream Hotel Gran Tacande

Dream Hotel Gran Tacande  er  5 stjörnu lúxushótel við eina fallegustu strönd Tenerife, Playa del Duque. Sundlaugargarðurinn er glæsilegur, liggur meðfram hótelinu og nær nánast niður á strönd.  Nútímaleg og smart hönnun, fyrsta flokks veitingastaðir og ein glæsilegasta heilsulindin á Tenerife.  Þjónustan á hótelinu þykir framúrskarandi.

Í nágrenni hótelsins er iðandi mannlíf og tvær af betri verslunarmiðstöðum Costa Adeje svæðisins eru í göngufæri, þar af er önnur Plaza del Duque, sem er sú fínasta á allri ströndinni. Auðvelt er að  ganga eftir strandgötunnu til á Playa de las Americas, en þangað eru liðlega 3 kílómetrar.

Á hótelinu eru 250 glæsileg herbergi og svítur í fjórum byggingum.  Auk tveggja manna herbergja er hægt að  sérpanta svítur, en í þeim eru ávallt nuddpottar. Tveggja manna herbergin eru stór og glæsileg, öll oftkæld með verönd eða svölum, interneti, gerfihnattasjónvarpi, öryggishólfi, smábar, tónlistarrásum og síma. Baðherbergin eru í stíl við annað á þessi glæsihóteli, vel útbúin með sér sturtu, baðkari, hárþurrku og snyrtivörum.

Á Dream hótel Gran Tacande eru alls fimm veitingastaðir, þar af þrír „fínir “, eins og sérréttastaðirnir „Bocoy“og „Bocana Grill“ . Á „Zurrón“ svigna hlaðin borð undan ljúffengum kræsingum og úrvals kokkar sýna hótelgestum listir sínar. Ítalski  veitingastaðurinn er einkar afslappður og svo má fá létta rétti á “Coffee og Pastry shop.”  Hótelgestir geta valið um bari, innan dyra sem utan – allt eftir því hvaða tími dagsins er og hvaða stemmningu er verið að sækjast eftir.

„VITANOVA Spa & Wellbeing centre “ er hin fullkomna heilsulind og vart hægt að ímynda sér nokkra meðferð sem ekki er í boði á þessum sælureit.  Einkum er lögð áhersla á ýmis konar heilsuböð. Meðal þess sem er á heilsulindinni er nuddpottur, tyrkneskt bað, gufubað, tækjasalur og snyrtistofa. Ótæmandi  möguleikar eru á að stunda íþróttir og aðra afþreyingu á hótelinu og á ströndinni.

Dream Hotel Gran Tacande er  glæsihótel fyrir fólk sem vill aðeins það besta.
 

(+)til baka