Iberostar Las Dalias

Iberostar Las Dalias er gott 3 stjörnu hótel 500 metra frá Playa del Bobo ströndinni, sem er á mótum Costa Adeje og Las Americas. Einn af kostum hótelsins er er metnaðarfull skemmtidagskrá fyrir alla aldurshópa bæði að degi til og á kvöldin. Sundlaugargarðurinn er fallegur og skjólgóður og á veturna er ein af sundlaugunum hituð.  Stutt er í veitingastaði, bari, verslanir og iðandi mannlíf.

Herbergi eru 404  talsins, eru björt en látlaus og rúma 3 gesti. Þau eru loftkæld með síma, sjónvarpi, smábar, öryggishólfi, hárþurrku og svölum eða verönd.  Greiða þarf fyrir leigu á öryggishólfi og smábar. Fjölskylduherbergi eru með tveimur samliggjandi rúmum og svefnsófa. Þau taka  tvo fullorðna og tvö börn 11 ára og yngri.-

Í aðal veitingasal hótelsins er matur borinn fram á hlaðborði, eins og gjarnan tíðkast á Spáni og á það bæði við um morgun- og kvöldverð.  Áhersla er lögð á að bjóða gestum að bragða sérrétti Kanaríeyjabúa.
Á sportbarnum Venus er stór flatskjár fyrir íþróttaleiki og kokteilbarinn Diana er með lifandi tónlist á kvöldin.

Skemmtidagskráin er lífleg með lifandi tónlist, fjölbreyttum sýningum, danskennslu, leikjum o.fl.
Tækjasalur, veggjatennis, barnaklúbbur, snyrtistofa og netþjónusta. Gestum stendur til boða að fá handklæði á hótelinu til afnota í hótelgarðinum. Greiða þarf tryggingargjald í byrjun, sem fæst endurgreitt í lok ferðar.

Hótelgestir geta tekið þátt í æfingaprógrammi og tekið þátt í leikfimi, veggjatennis, borðtennis, hjólað og spilað badminton. Einnig er prógramm með vatnsleikfimi, gönguferðum, pilates og  aerobikk. Greiða þarf sérstaklega fyrir þátttöku í slíkri dagskrá.  Þrír kílómetrar eru á næsta golfvöll.

(+)til baka