Melia Benidorm

Melia Benidorm er fínt og flott hótel á góðum stað skammt frá Levante ströndinni. Eitt besta hótelið á í Benidorm með glæsileg sameiginleg salarkynni, frábæran sundlaugargarð og vel útbúna heilsulind.

Á hótelinu eru 526 björt og rúmgóð herbergi, með svalir sem snúa ýmist út á haf eða yfir garðinn. Í öllum herbergjum er gervihnattasjónvarp, sími, internet, útvarp, smábar, loftkæling, hárþurrka, marmaragólf, skrifborð, sófi og öryggishólf sem rúmar fartölvu (gegn gjaldi).

Nokkur veitingahús eru á hótelinu; El Curt er með hlaðborð, og á El Moralet og sundlaugarbarnum Chiringuito L'Illa er hægt að fá snarl og léttari rétti. Á bar hótelsins er líf og fjör.

Sundlaugargarðurinn er stór og glæsilegur, þar eru tvær stórar sundlaugar, barnalaug og sérstakt svæði fyrir börnin. Einnig er innilaug og nuddpottur. Heilsuræktin er glæsileg og þar er í boði fjölbreytt úrval snyrti- og nuddmeðferða auk þess sem hægt er að fá nudd á herbergjum.

Við sundlaugina er hægt að leigja handklæði. Greiða þarf 10 Evru tryggingagjald fyrsta daginn, sem fæst endurgreitt ef hótelgestir skila handklæðum sínum.

● Frábær sundlaugargarður
● Glæsileg heilsurækt

(+)til baka