Gemelos 22, Benidorm

Gemelos 22 eru klassaíbúðir í tveimur háhýsum, vel staðsettar með góðum sundlaugargarði og fyrirtaks aðstöðu.

Levante ströndin er í 400 metra fjarlægð og allt í kringum hótelið eru barir, veitingastaðir og verslanir. Skammt frá hótelinu eru vatnagarðarnir Aguamar og Mundomare og einnig stutt í Benidorm Palace þar sem listamenn fara á kostum í glæsilegum sýningum á hverju kvöldi.
Handan við hornið tekur við hið fjölbreytta og skrautlega næturlíf sem er hvergi öflugra en einmitt á Benidorm.

Auðvelt að ganga eftir strandgötunni alla leið í gamla bæinn í Benidorm, sem er óviðjafnanlegur með iðandi mannlífi, fullt af verslunum og öllu því sem gerir sólarstað skemmtilegan.

Íbúðirnar eru með einu svefnherbergi, stofu og eldhúsi með ísskáp með frysti, eldavél, ofni, brauðrist og þvottavél.  Þær eru loftkældar með sjónvarpi, öryggishólfi, síma og svölum. Greiða þarf fyrir afnot af sjónvarpi.
Við hótelið er sundlaugargarður með grasflötum, pálmatrjám, stórri sundlaug  með sólbekkum.
Leiga fyrir sólbekki eru €2 á dag. Í garðinum er einnig barnalaug og leiksvæði fyrir krakkana.

Við innritun á hótel þurfa gestir að greiða €150 sem er tryggingagjald. Þessir peningar eru endurgreiddir við brottför ef allt er í lagi í íbúðinni. (Engar skemmdir, ekkert vantar).

Við hótelið eru einnig tennisvellir, innisundlaug billjarborð o.fl

(+)til baka