Kefaluka

Glæsilegt hótel skammt utan við Akyarlar. Allt sem þú þarft til að njóta lífsins, skemmtilegur sundlaugargarður, einkaströnd, heilsulind og nokkrir góðir veitingastaðir.

Herbergin eru stór og glæsileg, búin loftkælingu, gervihnattasjónvarpi, þráðlausu interneti (gegn gjaldi), smábar, öryggishólfi og síma. Svalir snúa að hafi eða sundlaugargarði. Á baðherbergjum eru baðkar, baðsloppur, inniskór og hárþurrka.

Í sundlaugagarðinum eru sundlaug og barnalaug, en einnig er hægt að fara á einkaströndina, þar sem er m.a. sérstakt svæði fyrir börnin. Á hótelinu er barnaklúbbur með fjölbreyttri afþreyingu fyrir smáfólkið og táningaklúbbur fyrir 13-16 ára.

Á hótelinu er heilsulind þar sem m.a. má fá heilsu- og vellíðunarmeðferðir, nuddpottur, tyrkneskt bað og sauna. Fyrir þá sem vilja taka á því er líkamsrækt. Einnig er á staðnum eða í næsta nágrenni hægt að iðka fjölda íþrótta, m.a. strandblak, fótbolta, körfubolta, pílukast, borðtennis, tennis, billjarð, badminton og margt fleira.

Valið stendur milli sex veitingastaða svo allir ættu að finna eitthvað fyrir sig. Morgun-, hádegis- og kvöldverður er borinn fram á hlaðborðsstaðnum Kefalonya, en auk þess eru staðir með kebab og aðra rétti frá eyjahafinu, ítalskan mat, mexíkóskan mat, sjávarrétti og staður með snarl og léttari rétti. Nokkrir barir eru á hótelinu og næturklúbbur.

Allar upplýsingar um „allt innifalið" pakkann á hótelinu á ensku

(+)til baka