Sol Y Mar

Frábært hótel á besta stað í miðbæ Calpe, við Arenal ströndina, skammt frá Peñón de Ifach klettinum.

Herbergin eru rúmgóð og í þeim eru flatskjár, þráðlaust internet, loftkæling og smábar.

Garðurinn er stór og með útsýnið yfir hafið og Peñón de Ifach klettinn. Auk sundlaugar er barnalaug og barnaklúbbur (klúbburinn opnar um miðjan júní og lokar um miðjan september). Gengið er beint niður á strönd.

Í heilsulindinni eru í boði fjöldinn allur af heilsu- og vellíðunarmeðferðum sem margar tengjast vatni. Líkamsræktin er stór og búin nýlegum og góðum tækjum, og einkaþjálfari er þér innan handar.

Á hótelinu eru veitingahúsin Anfora, með áherslu á sjávarrétti, og Abiss, sem er á efstu hæð hússins með dýrindis mat og frábært útsýni. Á kampavínsbarnum Le Champagneria geturðu valið milli 35 tegunda af kampavíni, cava og cava kokkteilum.

Í um það bil 500 metra fjarlægð frá hótelinu stoppar strætó sem gengur til Benidorm fjórum sinnum á dag.

• Glæsilegt hótel á frábærum stað
• Gott til að njóta lífsins

Hægt er að velja um að vera með morgunverð eða hálft fæði en hótelið er rómað fyrir frábær hlaðborð með gæða hráefni.

(+)til baka