Prainha Village, raðhús

Á fallegum stað situr Prainha Village og gnæfir yfir fiskimannaþorpið Alvor og Lagos flóann. Svæðið er um 35 hektarar og býður upp á ýmis konar þjónustu og afþreyingu. Í austur hluta svæðisins er Prainha Village Raðhús.

• Aðeins 10 mínútna akstur til Portimã, þar er H&M verslun
• Fimm veitingastaðir á svæðinu
• Tveir leikvellir, þrír tennisvellir og einn fótboltavöllur
• Heilsurækt
• Matvöruverslun á svæðinu

Svæðið liggur á klöpp við ströndina og myndar lítið þorp, umvafið fallegum görðum, flötum og blómabeðum. Þrátt fyrir að svæðið liggi á klöpp er einstaklega auðvelt aðgengi að ströndinni en lyfta flytur gesti niður klöppina og beint á ströndina. Í „þorpinu" eru fimm veitingastaðir en einn veitingastaðurinn er byggður inni í klöppinni. Miðsvæðis í þorpinu er matvöruverslun. Á klapparbrúninni er sundlaug, Atlantic pool, skellaga saltlaug hönnuð af tveimur þekktum portúgölskum arkitektum. Þá er boðið upp á barnapössun og mótorhjóla- og hjólaleigu.

Gestir hafa aðgang að heilsurækt ásamt því að geta látið dekra við sig í heilsulindinni.

Raðhúsin eru stór, rúmgóð, vel útbúin og nýtískuleg. Mikið er lagt í þægilegheit t.a.m. eru uppþvottavélar í húsunum. Úr stofunni er gengið í gegnum stóra rennihurð sem leiðir út í garð með einkasundlaug.

Prainha er í samstarfi við golfvelli á svæðinu. Gestir geta bókað rástíma og fá þar að auki afslátt á samstarfsvelli.

(+)til baka