Hagnýtar upplýsingar - Antalya - Tyrkland

Hagnýtar upplýsingar

Flugvöllur:  Flugvöllurinn í Antalya er 13km frá miðborginni. Frá flugvellinum Antalya eru um 10 km á að hótelunum á Lara Beach og 30 km til Belek. Flugvöllurinn er nýlegur og þjónar bæði áætlunarflugi og leiguflugi.

Flug: Flugtíminn til Antalya er um 5 klukkustundir og 50 mínútur. Flugtiminn frá Antalya til Íslands er um 6.20 klst. Flogið er í beinu leiguflugi með Icelandair.

Farangur: Hver farþegi má hafa með sér 20 kg af farangri að hámarki auk handfarangurs, sem má auk einnar handtösku vera taska að hámarki 6 kg og samanlögð lengd, breidd og hæð hennar má ekki vera meiri en 115 cm. Ungabörn, sem ekki eiga rétt á eigin sæti, mega hafa meðferðis 10 kg og að auki samfellanlega barnakerru.

Almenningssamgöngur: Dolmus er lítill strætó eða stór leigubíll sem gengur eftir ströndinni og inn í borg. Fargjaldið er mjög ódýrt.  Sums staðar í Tyrklandi fylgja vagnarnir ekki ákveðinni tímatöflu, en í Antalya fylgja þeir áætlun. 

Akstur: Auðvelt er að taka bílaleigubíl í Antalya og er það mjög algengt á meðal ferðamanna sem koma á svæðið. Þá er vinsælt að keyra til nálægra bæja og þorpa og líta á þær sögufrægu minjar sem eru á víð og dreif um svæðið. Við mælum hiklaust með því að fólk taki bíl í að minnsta kosti 1-2 daga. Margt er að sjá í nágrenningu og stutt að renna til nágrannabæja eins og Side og Alanya.
 
Landfræðileg lega: Tyrkland tengir saman Balkanskaga Evrópu við Vestur-Asíu. Átta landamæri liggja við Tyrkland, m.a. Grikkland, Íran og Írak. Bodrum er í Vesturhluta landsins, skammt frá Grikklandi en þó í Asíuhluta Tyrklands. Antalya er við Miðjarðarhafsströnd Tyrklands.

Íbúafjöldi: 70 milljónir.

Tímamismunur: 3 klst.á undan Íslandi frá 28.mars til 31.október 2010. Eftir 31. Október er Trykland 2 klst. á undan Íslandi.

Mynt:  Líra

Hraðbankar: Eru víða.

Greiðslukort: Öll helstu kreditkort eru tekin góð og gild í flestum verslunum og veitingastöðum. Það gæti orðið erfiðleikum háð að treysta eingöngu á debetkort og því er eindregið mælt með því að hafa kreditkort að minnsta kosti með í för. Hraðbankar taka á móti öllum algengustu kreditkortunum, en ekki er sjálfgefið að hægt sé að taka út af debetkortum.

Hitastig og veður:  Á haustin er meðalhitinn í Antalya milli 20° og 30° gráður. Rigning er sjaldséð, nema rétt yfir háveturinn  frá desember og fram í febrúar.

Tryggingar: Öllum ferðalöngum er ráðlagt að fara vel yfir sínar tryggingar áður en lagt er af stað í ferðalag og kaupa sérstaka ferðatryggingu sé hún ekki þegar innifalin í korti eða heimilistryggingu viðkomandi. Einnig er gott að hafa meðferðis tryggingaskírteini frá Tryggingastofnun ríkisins, komi eitthvað óvænt upp á.

Fararstjórar: Íslenskir fararstjórar taka á móti farþegum á flugvelli og eru þeim innan handar allan dvalartímann.