Alicante - Spánn

Alicante - Miðstöð sólardýrkenda !

Úrval af fyrsta flokks gistingum á Benidorm og í Albir

VITA selur sæti í flugvélum Iceland Express til Alicante.

Ekki eru fararstjórar á vegum VITA í Alicante. Viðskiptavinir eru á eigin vegum meðan á dvöl stendur.

Ferðamannabærinn Alicante á suðausturströnd Spánar ætti að vera mörgum að góðu kunnur, enda hafa þúsundir Íslendinga flykkst þangað á undanförnum árum og jafnvel komið sér þar upp öðru heimili. Silkimjúkar strendur, blátær sjór, skínandi sól, iðandi mannlíf og fjölbreytt menning er á meðal þess sem einkennir Alicante og þar ættu allir að geta fundið sér eitthvað við hæfi.

Alicante er staðsett í hjarta Costa Blanca héraðsins á Spáni. Valencia er í um 90 mínútna akstursfjarlægð en það tekur um fimm klst. að keyra til Barcelona. Alicante er mikil ferðamannaborg og þar er hægt að nálgast alla þá þjónustu sem hugsast getur. Strandlengjan við borgina er yfir 7 km löng og fjölbreyttir skemmtigarðar og aðstæður til íþróttaiðkunar eru á hverju strái.

Þvert á það sem margir kunna að halda býður Alicante upp á margt fleira en strandlíf og slökun. Í bænum er meðal annars að finna fjölda áhugaverða safna, sögulegar minjar, skemmtilega markaði að hætti innfæddra og heimsþekktar verslanir. Þar ríkir einnig mikil matar- og vínmenning sem endurspeglast vel í þeim fjölda framúrskarandi veitingastaða sem eru á svæðinu. Næturlífið á Alicante er alþekkt og geta skemmtanaþyrstir ferðalangar valið á milli aragrúa af börum, skemmtunum og diskótekum.

(+)Til baka