Enska ströndin

Snyrtilegt og mjög vel staðsett hótel í miðbæ Ensku strandarinnar en ströndin er í um tíu mínútna göngufjarlægð. Öll aðstaða á hótelinu er til mikillar fyrirmyndar og hafa gestir aðgang að glæsilegri heilsulind.

Mjög vel staðsett hótel rétt við Kashba með einstaklega skemmtilegum garði . Yfirbragð garðsins er ævintýralegt með mörgum háum pálmatrjám.  Herbergin eru rúmgóð og björt.

Gott íbúðarhótel þar sem gist er í sjarmerandi smáhýsum á frábærum stað á Ensku ströndinni . Aðstæður á hótelinu eru góðar og gestir hafa aðgang að líkamsrækt og heilsulind. Stutt er í verslun, þjónustu og veitingahús. Tilvalið hótel fyrir fjölskyldufólk.

Gott þriggja stjörnu hótel á Ensku ströndinni. Hótelið er staðsett rétt hjá Tirajana breiðgötunni, þaðan sem stutt er í alla þjónustu og verslun. Ströndin er í um 1,5 kílómetra fjarlægð frá hótelinu en í stórum garði hótelsins er hægt að stunda ýmis konar afþreyingu.

Snyrtilegt og vistlegt 2 stjörnu íbúðarhótel á góðum stað á Ensku ströndinni. Aðeins 300 m frá ströndinni og Yumbo center og því stutt í alla þjónustu, verslanir og veitingastaði.

Ágætt íbúðahótel sem er vel staðsett skammt hjá Yumbo verslunarkjarnanum, þar sem hinn sívinsæli Klörubar er meðal annars til húsa, og því er stutt í alla þjónustu, verslanir og veitingastaði. Ströndin er í um 10 mínútna göngufjarlægð.

Snyrtilegt og vistlegt íbúðarhótel á góðum stað á Ensku ströndinni. Hótelið hefur verið mikið sótt af Íslendingum síðustu ár og er almennt látið vel af dvölinni á Las Camelias. Hótelið er staðsett við hina fjölförnu Tirajana-breiðgötu og er stutt í veitingastaði og verslanir.

Nýuppgerðar íbúðir á frábærum stað við hliðina á Jumbo Center á Ensku ströndinni. Íbúðirnar sem viðskiptavinir VITA fá eru allar ný uppgerðar sérstaklega fyrir viðskiptavini VITA og snúa þær allar að sundlaugargarðinum.