Tenerife - Spánn

Þinn uppáhalds staður í vetur!

Við miðbauginn er loftslagið eins og það gerist best. Þar er einmitt Tenerife, nýjasti áfangastaður VITA í vetur. Sól og sandur er aðalatriðið á Tenerife og það er engin tilviljun að Íslendingar kjósa að fara þangað aftur og aftur.

Auk þess að vera vinsæll ferðamannastaður blómstra heimamenn á Tenerife og því er á ferðinni skemmtileg blanda af ferðamannastað þar sem allt er til alls auk spænskrar menningar, með tilheyrandi matargerð, mannlífi og fallegum arkitektúr.

Þannig að vertu viss um að gleyma ekki sundfötunum og sólarolíunni – en mundu jafnframt að Tenerife hefur upp á svo margt annað að bjóða líka.

Um Tenerife

Tenerife tilheyrir eyjaklasa Kanaríeyja og er sú stærsta þeirra. Eyjurnar mynduðust fyrir þremur milljónum ára í eldgosi. Á Tenerife er virkt eldfjall, Teide, sem gaus síðast árið 1909. Tindurinn er í 3,7 km hæð og er gígurinn 17 km breiður. Norðurlandabúar eru mjög áberandi á Tenerife en þeir voru einmitt fyrstu íbúar eyjunnar, um 200 árum fyrir Krist.

Tenerife er í ekki nema rúmlega 300 kílómetrar fjarlægð frá Sahara-eyðimörkinni en hitinn er nú sem betur fer mun mildari og þægilegri en þar. Santa Cruz de Tenerife heitir höfuðborgin, sem jafnframt er fjölmennasta borg Tenerife.

Afþreyingarmöguleikar

Hvað viltu gera í fríinu þínu? Líkurnar á að þú getir uppfyllt þær óskir á Tenerife eru mjög miklar.

Viltu leika þér í sjónum?
Farðu á brimbretti, lærðu að kafa, leigðu sjóketti, láttu draga þig á hraðbát eða einfaldlega svamlaðu í rólegheitunum.

Viltu liggja flatmaga og ná þér í fallegan lit á húðina?
Fjölmargar strendur, allar fyrsta flokks með frábærri þjónustu, eru í boði á Tenerife.

Viltu hreyfa þig?
Farðu í golf á einum af mörgum frábærum golfvöllum, hjólaðu, farðu á hestbak eða í göngutúra um fallega og einstaka náttúru Tenerife.

Viltu skoða þig um eyjuna?
Leigðu bíl og skoðaðu Güímar pýramídana, komdu við á söfnum og skoðaðu aðra bæi og þorp í nágrenninu.

Viltu skoða eyjarnar í kring?
Farðu í siglingu og komdu við á einhverri af hinum Kanaríeyjunum.

Viltu skemmta þér?
Farðu út að borða og dansaðu svo eins og enginn sé morgundagurinn á einum af fjölmörgum skemmtistöðum Tenerife. Þú getur gert það sem þig langar á Tenerife!

Playa de Las Americas

Ameríku-ströndin á sunnanverði Tenerife er stundum kölluð „Leikvöllurinn“ á eyjunni, sökum fjölbreytta afþreyingarmöguleika. Fríar skutlur eru út um allt til að þú náir örugglega að gera allt sem þig langar til að gera!  Hvort sem þú vilt slappa af eða sletta ærlega úr klaufunum (nú eða sitt lítið af hvoru), þá er Ameríkuströndin fullkomin.

Sex strendur eru á svæðinu og fyrir utan hefðbundnar íþróttir á borð við sjóskíði, tennis, keilu og golf er meðal annars hægt að fara í teygjustökk. Eitthvað fyrir alla, sannkallaður leikvöllur þar sem af nógu er að taka.

Costa Adeje

Rétt fyrir utan leikvöllinn á Ameríku-ströndinni er Adaje ströndin. Þar ráða rólegheitin ríkjum. Staðurinn er einn sá allra fallegasti á Tenerife og algjör paradís fyrir þá sem vilja kafa. Þá er einn besti golfvöllur eyjarinnar rétt við ströndina.

Adaje gerir sig út fyrir fjölbreytta útivist þar sem framboðið er mjög mikið. Náttúrufegurðin gerir þennan stað einkar skemmtilegan, en þrátt fyrir rólegheitin er auðvelt að komast í aðeins meiri fjör og læti, til að mynda á Ameríkuströndinni sem er í aðeins nokkurra mínútna akstursfjarlægð frá Adaje.

Playa Fanabe

Fanabe ströndin er á suðurströnd Tenerife, mitt á milli Playa de las Americas og Costa Adeje. Miðbærinn er einkar skemmtilegur þar sem barir og verslanir eru víða og oftast þá við þröngar og skemmtilegar götur. Ströndin sjálf er mjög breið og sandurinn er góður. Einkar góð aðstaða er til sjóiðkunar af ýmsu tagi en örstutt er í alla þjónustu.

Stutt er í frábæran golfvöll. Hægt er að skoða höfrunga og hvali í skoðunarferðum, stunda sjóstangveiði, fara í skipulagðar hestaferðir og stórskemmtilegur sundlaugagarður er á svæðinu. Þá er stutt upp að Teide eldfjallinu en hægt er að fara með kláf upp í hlíðar fjallsins og njóta stórkostlegs útsýnis yfir eyjuna.

(+)Til baka