Benidorm - Spánn

Benidorm

Langar þig í smá fjör í sólinni? Það er það sem allt snýst um á Benidorm, sem er á Costa Blanca. Nafnið þýðir “Hvíta ströndin” og stendur vel undir nafni. Strandlengjan er gullfalleg, hvítur sandur svo langt sem augað eygir, og óviðjafnanleg sólin heldur henni volgri allt árið um kring. Það kemur engum á óvart að Benidorm er meðal heitustu áfangastaðanna fyrir sumarfrí þar sem allir finna eitthvað við sitt hæfi. Hvort sem það eru veitingastaðir og barir, sundlaugagarðar eða bara rólegheitin á ströndinni, er alveg ljóst að Bendiorm er frábær sólarstaður.

Skemmtigarðar og vatnsrennibrautagarðar – Þeir bestu á Spáni!

Benidorm er skemmtileg, það er alveg ljóst! Renndu þér í sólinni eða skelltu þér í skemmtigarð með alla fjölskylduna, það slær í gegn!

Terra Mitica skemmtigarðurinn – Fjör fyrir alla fjölskylduna
Stærsti og skemmtilegasti garður í Evrópu! Stórkostlegir rússíbanar af öllum stærðum og gerðum, sýningar á hverju strái, sjóræningar, skylmingaþrælar og ýmislegt fleira, meðal annars stórfenglegum leiksýningum á kvöldin. Frábær skemmtun fyrir unga sem aldna.

Aqualandia – Vatnsrennibrautagarður í heimsklassa
Bing Bang eða Kamikaze? Báðar rennibrautirnar? Ekkert mál, þær eru hver annarri betri í þessum frábæra garði. Stórskemmtilegt lón er í garðinum þar sem finna má svæði fyrir börn, og alla hina líka! Slettu úr klaufunum í Aqualandia, þaðan sem allir fara heim með bros á vör.

Mundomar – Vatnaveröld og framandi dýralíf
Heillandi ævintýraland með fallegu sjávarlífi og framandi fuglalífi. Sjáðu dansandi höfrunga, sjóljónin leika sér, páfagaukasýninguna og farðu með börnin í barnalandið. Og ekki gleyma hinu risastóra fiskasbúri þar sem litadýrðin og fjölbreytnin er æðisleg. Frábær garður.

Terra Natura – Glænýr náttúrulífsgarður
Engir sýnilegar hindranir á milli þín og dýranna. Vertu vitni að undrum náttúrunnar með berum augum í gegnum stórfenglegar sýningar og snilldarlega útsett atriði. Í garðinum færðu tvo fyrir einn, þar er líka Aqua Natura garðurinn, frábær vatnsrennibrautagarður þar sem þú getur skemmt þér og slappað af áður en þú snýrð aftur heim í sólskinsskapi.

(+)Til baka