Albir - Spánn

Albir

Þessi litli og heillandi sumarleyfisstaður er mitt á milli Benidorm og Altea. Hann er fullkominn fyrir þá sem vilja vera fyrir utan ysið og þysinn í Benidorm, en samt njóta yndislegra stranda og öllu því sem úrvals sólarstaðir hafa upp á að bjóða.  Stutt er að fara milli strandanna, en einungis 10 km skilja að Benidorm og Albir.

Ströndin í Albir er 590 metra löng og hefur verið verðlaunuð árlega fyrir gæði.
Rólegt og afslappað andrúmsloftið er í fyrirrúmi en samt sem áður er þar allt til alls. Þar sem staðurinn er lítill, er stutt að fara á milli staða, miðbær og strönd ávallt í göngufæri.  Albir verið mjög vinsæll hjá fjölskyldufólki  undanfarin ár.

Terra Mitica skemmtigarðurinn – Fjör fyrir alla fjölskylduna
Stærsti og skemmtilegasti garður í Evrópu! Stórkostlegir rússíbanar af öllum stærðum og gerðum, sýningar á hverju strái, sjóræningar, skylmingaþrælar og ýmislegt fleira, meðal annars stórfenglegum leiksýningum á kvöldin. Frábær skemmtun fyrir unga sem aldna.

Aqualandia – Vatnsrennibrautagarður í heimsklassa
Bing Bang eða Kamikaze? Báðar rennibrautirnar? Ekkert mál, þær eru hver annarri betri í þessum frábæra garði. Stórskemmtilegt lón er í garðinum þar sem finna má svæði fyrir börn, og alla hina líka! Slettu úr klaufunum í Aqualandia, þaðan sem allir fara heim með bros á vör.

Mundomar – Vatnaveröld og framandi dýralíf
Heillandi ævintýraland með fallegu sjávarlífi og framandi fuglalífi. Sjáðu dansandi höfrunga, sjóljónin leika sér, páfagaukasýninguna og farðu með börnin í barnalandið. Og ekki gleyma hinu risastóra fiskasbúri þar sem litadýrðin og fjölbreytnin er æðisleg. Frábær garður.

Terra Natura – Glænýr náttúrulífsgarður
Engir sýnilegar hindranir á milli þín og dýranna. Vertu vitni að undrum náttúrunnar með berum augum í gegnum stórfenglegar sýningar og snilldarlega útsett atriði. Í garðinum færðu tvo fyrir einn, þar er líka Aqua Natura garðurinn, frábær vatnsrennibrautagarður þar sem þú getur skemmt þér og slappað af áður en þú snýrð aftur heim í sólskinsskapi.

(+)Til baka