Flórens - Róm

Flórens - Róm

02.-09.júní

09.-16.júní

Dagur 1.

Brottför frá Keflavík klukkan 07:30 og lent í  Mílano klukkan 13:20. Þar tökum við lest til Flórens/Arezzo og þegar á hóteliða er komið fáum við hjólin afhent og ýmsar upplýsingar um leiðina.

Dagur 2.

Flórens/Arezzo – Passignano, meðfram Trasimeno vatninu – u.þ.b. 60 km. á hjóli og 70 km. með lest.

Við hefjum ferðina á stuttri lestarferð til Arezzo (til athugunar er að hefja ferðina í Arezzo) þaðan sem við hjólum á hjólastígum með frábæru útsýni til Valdichina dalsins og lengra í burtu fjallgarðsins við Suður-Toskana. Við förum framhjá borginni Cortona og upp að Trasimeno vatninu þar sem Hannibal barðist forðum við Rómverja.  Við njótum hins undurfagra útsýnis yfir vatnið og um nóttina dveljum við í þorpi við vatnsbakkanum. Vatnið Trasimeno er meðal annars merkilegt fyrir að til stóð að þurrka það upp en umhverfissinnar tóku þá til sinna ráða og nú er vatnið vinsæll ferðamannastaður.

Dagur 3.

Passignano, meðfram Trasimeno vatni og til Perugia u.þ.b. 35 km

Við hjólum áfram meðfram vatninu til Torricella og þaðan á hjólastígum til Perugia, um akra, lágar hæðir og í gegnum friðsæl þorp.  Perugia er einstaklega fögur miðaldaborg með fögrum torgum, gömlum byggingum og miklu mannlífi.

Dagur 4.

Perugia – Assisi u.þ.b. 30 km

Í dag  er hjólaleiðin ekki margir kílómetrar þar til við komum til heimaborgar heilags Frans af Assisi. Hér er tækifæri til að njóta hinnar fögru borgar og skoða það sem hún hefur upp á að bjóða. Assisi kemur flestum á óvart sem þangað koma og henni er erfitt að lýsa.

Dagur 5.

Assisi – Spoleto u.þ.b. 55 km

Við hjólum við rætur fjallsins ,,Monte Subasio“ og komu til Spello sem er forn borg og eftir hvíldarstund þar,  hjólum við meðfram sýkisbökkum til Spoleto.

Dagur 6.

Spoleto – Terni u.þ.b. 35 km + lest til Rómar
Á milli fjalla, í stórbrotinni nátturu, hjólum við til Terni. Terni er þekkt fyrir sætabrauðsbúðir og frumlegastu eldamennsku héraðsins. En, allir vegir liggja til Rómar og eftir að hafa notið lífsins um stund í Terne setjumst við í lestina áleiðis til Rómar.

Dagur 7. Róm

Þátttakendur eyða degi í Róm að eigin vali.

Dagur 8.

Frá Róm tökum við lest, enda lestarferðir þægilegur og fljótlegur ferðamáti og komum til Mílanó tímanlega til að ná fluginu heim klukkan 14:20

Verð á mann miðað við tveggjamannaherbergi  235.000 + 15.000 punktar

*verð án punkta er 245.000

Eingöngu er hægt að nota punkta ef ferð er bókuð á netinu.

innifalið :

• flug og skattar
• gisting á 3ja til 4ra stjörnu hótelum með morgunverði
• allar lestarferðir
  
• leiga á hjólum (21 gíra götuhjól)
• farangursflutningur
• íslensk farastjórn