Um VITA

Ferðaskrifstofan VITA var stofnuð í júní 2008 og er rekin af Iceland Travel, sem er dótturfélag Icelandair Group. Helsta markmið ferðaskrifstofunnar er að bjóða upp á fjölbreytt úrval skipulagðra afþreyingaferða í leiguflugi frá Íslandi til útlanda með góðri þjónustu og tryggum flugkosti á samkeppnishæfu verði. Lögð verður áhersla á almenna ferðaskrifstofustarfsemi, sem miðuð verður að Íslendingum á leið í vetrar- eða sumarleyfi vítt og breytt um heiminn. Hjá VITA er hægt að greiða fyrir leiguflug með Vildarpunktum. 15.000 Vildarpunktar gilda sem 10.000 kr. greiðsla upp í allar ferðir með leiguflugi. Viðskiptavinir VITA fá auk þess 2.500 Vildarpunkta fyrir allar keyptar ferðir í leiguflugi.

Rekstur VITA verður byggður á grunni Iceland Travel, sem rekur VITA. Iceland Travel er leiðandi ferðaskrifstofa í móttöku erlendra ferðamanna og skipulagningu ráðstefna á Íslandi. Rætur Iceland Travel má rekja til upphafs skipulagðrar ferðaþjónustu á Íslandi í kringum 1935. Fyrirtækið er því brautryðjandi í íslenskum ferðaiðnaði og hefur á að skipa um sjötíu starfsmönnum, sem sérhæfðir eru í þjónustu við ólíka hópa erlends ferðafólks auk þess að starfa með nær öllum söluaðilum innan íslenskrar ferðaþjónustu.

Starfsfólk VITA býr yfir mikilli reynslu og þekkingu í skipulagningu ferða um allan heim. Höfuðáhersla er lögð á að veita viðskiptavinum framúrskarandi þjónustu sem tekur mið af ólíkum þörfum hvers og eins. Starfsmenn VITA eru nú 20 talsins. Fararstjórar VITA eru fjölmargir og eiga sameiginlegt að hafa mikla þekkingu og reynslu af þeim áfangastöðum sem þeir starfa á. Framkvæmdastjóri VITA er Helgi Eysteinsson, en hann starfaði meðal annars sem sölu- og markaðsstjóri hjá Ferðaskrifstofu Íslands á árunum 2003-2006. Áður en Helgi tók við starfi framkvæmdastjóra Iceland Travel og VITA í júní 2008 starfaði hann hjá Glitni. Hörður Gunnarsson er stjórnarformaður Iceland Travel og VITA. Hann hefur lengst af starfað við ferðaþjónustu, m.a. sem framkvæmdastjóri Ferðaskrifstofu Íslands í fimmtán ár, frá 1990 til 2006.

Starfsfólk VITA
Fararstjórar VITA

VITA
Skútuvogi 13a
104 Reykjavík
Sími: 570 4444

Skrifstofan er opin mánudaga til föstudaga frá kl. 09:00 - 17:00.