Þóra Björk Valsteinsdóttir

Þóra Björk býr yfir gríðarlega mikilli reynslu sem fararstjóri og er óhætt að hún hafi komið víða við á þeim vettvangi. Hún hefur unnið sem fararstjóri um allan heim, m.a. Ítalíu, Slóveníu, Egyptalandi, Indlandi, Tyrklandi og Ástralíu að ógleymdu Grikklandi.

Eftir að hafa lokið stúdentsprófi á Íslandi flutti Þóra til Grikklands þar sem hún festi rætur og býr enn - eftir heil 27 ár. Þóra er gift og á tvö börn. Hún lærði grísku við háskólann í Aþenu og lauk síðar kennara- og leiðsögumannaprófi við sama skóla.

Þóra fór fljótt að vinna við fararstjórn í Grikklandi og starfaði um árabil sem fararstjóri á skemmtiferðaskipum í Miðjarðarhafinu. Í framhaldi af því hefur Þóra unnið sem fararstjóri fyrir íslenskar ferðaskrifstofur á sólarströndum gríska meginlandsins og á Krít auk þess sem að hún hefur tekið að sér fararstjórn í fjölda sérferða um allan heim.

Um þessar mundir er Þóra að láta gamlan draum rætast með því að stunda fjarnám í sagnfræði við Háskóla Íslands.

(+)til baka

Með skráningu í netklúbb VITA tryggir þú þér að vera með þeim fyrstu sem fá tilkynningar um nýjar ferðir, fréttir og tilboð.

Skráðu þig í netklúbb VITA

Fyrir marga er skemmtilegasta skeið ævinnar eftir sextugt. Ein helsta ástæða þess er að fáir aldurshópar hafa kost á því að ferðast jafnmikið, en ferðalög eru ein af forsendum þess að geta notið lífsins til fulls.

(+)nánar